కోహ్లీ బెస్ట్ బ్యాట్స్‌మెన్ కావొచ్చు.. కానీ రోహిత్ శర్మే గొప్ప: గంభీర్

పరిమిత ఓవర్ల క్రికెట్ (వన్డే, టీ20) విరాట్ కోహ్లీతో పోలిస్తే రోహిత్ శర్మనే ప్రభావిత బ్యాట్స్‌మెన్ అని టీమిండియా మాజీ ఓపెనర్ గౌతమ్ గంభీర్ అభిప్రాయపడ్డాడు. రోహిత్ కంటే కోహ్లీ ఎక్కువ పరుగులతో కెరీర్‌ని ముగించొచ్చు.. కానీ.. వన్డే, టీ20ల్లో ఇంపాక్ట్ పరంగా చూసుకుంటే కోహ్లీ కంటే ముందు వరుసలో రోహిత్ శర్మ ఉంటాడని గంభీర్ చెప్పుకొచ్చాడు. ప్రస్తుతం ఓవరాల్‌ గేట్రెస్ట్ ఆటగాళ్ల జాబితాలో రోహిత్ శర్మ ఉండకపోవచ్చు.. అయితే అతను అత్యుత్తమ బ్యాట్స్‌మెన్‌ అని గంభీర్ కితాబిచ్చాడు.

Must Read: వివాదాలతో కెప్టెన్సీ కోల్పోయిన క్రికెటర్లు.. జాబితాలో భారత ప్లేయర్
భారత తరఫున 224 వన్డేలాడిన రోహిత్ శర్మ 88.92 స్ట్రైక్‌రేట్‌తో 9,115 పరుగులు చేశాడు. ఇందులో 29 సెంచరీలు, 43 హాఫ్ సెంచరీలు ఉన్నాయి. ఇక విరాట్ కోహ్లీ 248 వన్డేల్లో 93.25 స్ట్రైక్‌రేట్‌తో 11,867 పరుగులు చేశాడు. ఇందులో 43 సెంచరీలు, 58 హాఫ్ సెంచరీలు ఉన్నాయి. అలానే.. రోహిత్ శర్మ 108 టీ20 మ్యాచ్‌ల్లో 138.78 స్ట్రైక్‌రేట్‌తో 2773 పరుగులు చేయగా.. 82 టీ20ల్లో కోహ్లీ 138.24 స్టైక్‌రేట్‌తో 2794 పరుగులు చేశాడు.

Read More: సచిన్ వల్లే వన్డే వరల్డ్‌క‌ప్ గెలిచాం.. త‌ను సెకండ్ కోచ్‌గా వ్య‌వ‌హ‌రించాడు: రైనా

రోహిత్ శర్మ, విరాట్ కోహ్లీ మధ్య బ్యాటింగ్ పోలికల గురించి తాజాగా గౌతమ్ గంభీర్ మాట్లాడుతూ ‘‘నా వరకూ పరిమిత ఓవర్ల క్రికెట్‌లో ఎవరు ఎక్కువ ఇంపాక్ట్ చూపుతారనేది కీలకం. రోహిత్ శర్మ కంటే కోహ్లీ ఎక్కువ పరుగులు చేయొచ్చు. అలానే ఇప్పటికే అతను దిగ్గజ క్రికెటర్‌ హోదాని కూడా దక్కించుకుని ఉండొచ్చు. కానీ.. వన్డే, టీ20ల్లో ఇంపాక్ట్ విషయానికి వస్తే..? కోహ్లీ కంటే రోహిత్ ముందుంటాడు. ఎంతలా అంటే..? రోహిత్ శర్మ సెంచరీ తర్వాత ఒకవేళ ఔటైతే అయ్యో అతను డబుల్ సెంచరీ మిస్సయ్యాడే..! అని అభిమానులు భావిస్తారు. అందుకే రోహిత్ శర్మే గొప్ప’’ అని గౌతమ్ గంభీర్ అభిప్రాయపడ్డాడు.