ఆస్ట్రేలియాతో ఈ నెల 20 నుంచి ప్రారంభంకానున్న మూడు టీ20ల సిరీస్ కోసం భారత సెలెక్టర్లు ఈరోజు జట్టుని ప్రకటించారు. 16 మందితో కూడిన ఈ జట్టుకి కెప్టెన్‌గా రోహిత్ శర్మ ఎంపికయ్యాడు. అలానే చాలా రోజుల తర్వాత టీ20 జట్టులోకి మహ్మద్ షమీ ఎంపికవగా.. దీపక్ చాహర్‌కి కూడా చోటిచ్చారు. ఇక గాయం నుంచి కోలుకున్న జస్‌ప్రీత్ బుమ్రా, హర్షల్ పటేల్‌కి కూడా టీ20 వరల్డ్‌కప్ ముంగిట ఈ సిరీస్ ప్రాక్టీస్‌గా ఉపయోగపడనుంది. షమీ, చాహర్‌ని మాత్రం టీ20 వరల్డ్‌కప్‌కి స్టాండ్ బై ప్లేయర్లుగా సెలెక్టర్లు ఎంపికచేశారు. బుమ్రా, హర్షల్‌కి మాత్రం టీ20 వరల్డ్‌కప్ రెగ్యులర్ టీమ్‌లో చోటు దక్కింది. అలానే టీ20 వరల్డ్‌కప్ జట్టులోకి ఎంపికైన అర్షదీప్ సింగ్‌కి ఆస్ట్రేలియాతో టీ20 సిరీస్ నుంచి సెలెక్టర్లు రెస్ట్ ఇచ్చారు.
ఆస్ట్రేలియాతో ఈ నెల 20న మొహాలి వేదికగా తొలి టీ20 మ్యాచ్ ఆడనున్న టీమిండియా.. ఆ తర్వాత 23న నాగ్‌పూర్‌లో రెండో టీ20 మ్యాచ్‌లో తలపడనుంది. ఇక చివరి టీ20 మ్యాచ్‌కి హైదరాబాద్‌లోని ఉప్పల్ స్టేడియం ఆతిథ్యం ఇవ్వబోతోంది. ఆస్ట్రేలియా వేదికగా అక్టోబరు 16 నుంచి నవంబరు 13 వరకూ టీ20 వరల్డ్‌కప్ 2022 జరగనున్న నేపథ్యంలో జట్టు కూర్పు విషయంలో టీమిండియాకి ఈ సిరీస్ కీలకం.
ఆస్ట్రేలియాతో ఈ నెల 20న మొహాలి వేదికగా తొలి టీ20 మ్యాచ్ ఆడనున్న టీమిండియా.. ఆ తర్వాత 23న నాగ్‌పూర్‌లో రెండో టీ20 మ్యాచ్‌లో తలపడనుంది. ఇక చివరి టీ20 మ్యాచ్‌కి హైదరాబాద్‌లోని ఉప్పల్ స్టేడియం ఆతిథ్యం ఇవ్వబోతోంది. ఆస్ట్రేలియా వేదికగా అక్టోబరు 16 నుంచి నవంబరు 13 వరకూ టీ20 వరల్డ్‌కప్ 2022 జరగనున్న నేపథ్యంలో జట్టు కూర్పు విషయంలో టీమిండియాకి ఈ సిరీస్ కీలకం.