పాక్‌ను వెనక్కి నెడితే భారత్‌దే అగ్రస్ధానం

 టెస్టుల్లో వరుస విజయాలతో దూసుకెళ్తున్న భారత్ .. అగ్రస్థానికి ఒక్క అడుగు దూరంలో ఉంది. గత సాంప్రదాయానికి భిన్నంగా కోహ్లీ సేన విదేశీ గడ్డపై వరుస విజయాలు నమోదు చేస్తున్న విషయం తెలిసిందే. అయితే ఇటీవలే జరిగిన విండీస్ సిరీస్ లో సిరీస్ కైవసం చేసుకున్నప్పటికీ సరైన ఫలితం రాబట్టలేకపోవడం వల్లే కోహ్లీసేన రెండో స్థానంతో సరిపెట్టుకోవాల్సి వచ్చింది. ఇదే సమయంలో మన చిరకాల శత్రువు పాక్ విజయాలబాటలో  నడిచి.. ఒక్క పాయింట్ తేడాతో భారత్‌ను వెనక్కి నెట్టి అగ్రస్థానాన్ని కైవసం చేసుకుంది. అయితే కివీస్ తో జరిగిన తొలి టెస్ట్ విజయం సాధించి  నూతనోత్సాహంతో  టీమిండియా  రెండో టెస్టులో కూడా ఇదే జోరును కొనసాగించి విజయం సాధిస్తే సీరీస్  కైవసం చేసుకుంటుంది . అదే సమయంలో మన దాయిది జట్టు పాక్ నుంచి టెస్ట్ వరల్డ్ ఛాంపియన్ హోదాను లాక్కుంటుంది. ఒక్క దెబ్బకు రెండు పిట్లలు రాలినట్లు .. టీమిండియా ఒక్క టెస్టు మ్యాచ్ గెలిసి ఇటు టెస్టు సిరీస్ గెలుచుకోవడమే కాకుండా  పాక్ ను వెనక్కి నెట్టి  అగ్రస్థాన్ని కైవసం చేసుకునే అవకాశముంది.  అయితే ఈ సదవకాశాన్ని  కోహ్లీ సేన ఏ మేరకు ఉపయోగించుకుంటుందనే దానిపై సర్వత్రా ఉత్కంఠత నెలకొంది.

 టెస్ట్ ర్యాకింగ్ వివరాలు :

1.పాకిస్తాన్    - 111 పాయింట్లు
​
2.భారత్       - 110

3.ఆసీస్       - 108

4.ఇంగ్లండ్     - 108

5. సౌతాఫ్రికా   - 96

6. శ్రీలంక       - 96

7.కివీస్         - 95

8.విండీస్       - 67

9. బంగ్లా        - 57

10.జింబాబ్వే    - 8


India is now one win away from reclaiming the ICC Test Championship mace from Pakistan.