India Under 19 Team Will Play In The World Cup From This Month 17th Onwards
మహ్మద్ కైఫ్, విరాట్ కోహ్లీ, ఉన్ముక్త్ చంద్, పృథ్వీ షా.. తర్వాత ఎవరు..?
అండర్-19 వరల్డ్కప్లో భారత్కు తిరుగులేని రికార్డు ఉంది. 12 సార్లు జరిగిన ఈ టోర్నీని అందరికంటే ఎక్కువగా నాలుగుసార్లు గెలిచింది. సౌతాఫ్రికాలో ఈనెల 17 నుంచి ఫిబ్రవరి 9 వరకు ఈ టోర్నీ జరుగనుండగా.. డిఫెండింగ్ చాంపియన్గా బరిలోకి దిగుతోంది. ఇప్పటికే సౌతాఫ్రికా చేరుకున్న భారత్.. అక్కడ వన్డే సిరీస్లో హోమ్టీమ్ను ఓడించి శుభారంభం చేసింది. ఇక గతంలో వరల్డ్కప్ను మహ్మద్ కైఫ్, విరాట్ కోహ్లీ, ఉన్ముక్త్ చంద్, పృథ్వీ షా అందించారు. ఈక్రమంలో ఈసారి నాయకత్వం వహిస్తున్న ప్రియమ్ గార్గ్ ఆ జాబితాలో చేరుతాడో, లేదో చూడాలి. గతంలో భారత్ ఈ టోర్నీలను ఎలా గెలిచిందో చూద్దాం..
Samayam Telugu3 Jan 2020, 7:35 pm
అండర్-19 వరల్డ్కప్లో భారత్కు తిరుగులేని రికార్డు ఉంది. 12 సార్లు జరిగిన ఈ టోర్నీని అందరికంటే ఎక్కువగా నాలుగుసార్లు గెలిచింది. సౌతాఫ్రికాలో ఈనెల 17 నుంచి ఫిబ్రవరి 9 వరకు ఈ టోర్నీ జరుగనుండగా.. డిఫెండింగ్ చాంపియన్గా బరిలోకి దిగుతోంది. ఇప్పటికే సౌతాఫ్రికా చేరుకున్న భారత్.. అక్కడ వన్డే సిరీస్లో హోమ్టీమ్ను ఓడించి శుభారంభం చేసింది. ఇక గతంలో వరల్డ్కప్ను మహ్మద్ కైఫ్, విరాట్ కోహ్లీ, ఉన్ముక్త్ చంద్, పృథ్వీ షా అందించారు. ఈక్రమంలో ఈసారి నాయకత్వం వహిస్తున్న ప్రియమ్ గార్గ్ ఆ జాబితాలో చేరుతాడో, లేదో చూడాలి. గతంలో భారత్ ఈ టోర్నీలను ఎలా గెలిచిందో చూద్దాం..
మహ్మద్ కైఫ్ (2000)
భారత్కు తొలిసారి అండర్-19 వరల్డ్కప్ అందించిన కెప్టెన్గా మహ్మద్ కైఫ్ చరిత్రలో నిలిచిపోయాడు. శ్రీలంకలో జరిగిన టోర్నీలో ఫైనల్లో ఆతిథ్యజట్టును ఓడించి కప్పును ఒడిసిపట్టుకుంది. ఈ టోర్నీ ద్వారానే యువరాజ్ సింగ్, వేణుగోపాల్ రావు, అజయ్ రాత్రా, రితీందర్ సోధీ, హైదరాబాదీ క్రికెటర్ అర్జున్ యాదవ్లాంటి వారు వెలుగులోకి వచ్చారు. ఫైనల్లో లంకను ఆరు వికెట్లతో ఓడించింది. మ్యాన్ ఆఫ్ ది టోర్నీగా నిలిచిన యువి.. ఎనిమిది మ్యాచ్లాడి 203 రన్స్, 12 వికెట్లు తీశాడు. టోర్నీ అనంతరం కైఫ్, యువీలకు టీమిండియాలోకి ఎంట్రీ దొరికింది.
విరాట్ కోహ్లీ (2008)
భారత ప్రస్తుత కెప్టెన్ విరాట్ కోహ్లీ.. 12 ఏళ్ల కిందటే మనదేశాన్ని విశ్వవిజేతగా నిలిచాడు. మలేసియాలో 2008లో జరిగిన టోర్నీలో టీమిండియా ఉత్కంఠభరిత విజయం సాధించింది. టాస్ ఓడి బ్యాటింగ్ చేసిన భారత్ 159 రన్స్కే ఆలౌటైంది. అనంతరం లక్ష్యాన్ని డక్వర్త్ లూయిస్ పద్దతి ప్రకారం 25 ఓవర్లలో 116 రన్స్ చేయగా.. 12 రన్స్ తక్కువ చేసి ప్రొటీస్ ఓడిపోయింది. ఈ టోర్నీ ద్వారా రవీంద్ర జడేజా, సిద్ధార్థ్ కౌల్, అభినవ్ ముకుంద్, మనీశ్ పాండే, ప్రదీప్ సాంగ్వాన్, సౌరభ్ తివారీలాంటి ఆటగాళ్లు చర్చలోకి వచ్చారు.
ఉన్ముక్త్ చంద్ (2012)
ఆస్ట్రేలియాలో జరిగిన ఈ టోర్నీని భారత్ నిలబెట్టుకుని ముచ్చటగా మూడో టైటిల్ను తన ఖాతాలో వేసుకుంది. ఏకపక్షంగా జరిగిన ఫైనల్లో ఆసీస్పై ఆరు వికెట్లతో భారత్ గెలిచింది. కంగారూలు విధించిన 225 పరుగుల టార్గెట్ను అలవోకగా ఛేదించింది. ఉన్ముక్త్ చంద్ (130 బంతుల్లో 111 నాటౌట్) అజేయ సెంచరీ కమ్ కెప్టెన్ ఇన్నింగ్స్తో జట్టును విజయతీరాలకు చేర్చాడు. ఈ టోర్నీలో తెలుగు ప్లేయర్ హనుమ విహారి కీలకపాత్ర పోషించాడు. అప్పట్లో సీనియర్ జట్టులో పోటీ కారణంగా ఈ టోర్నీలో ఆడిన జట్టు నుంచి ఒక్కరు కూడా ఎంపిక కాలేకపోయారు.
పృథ్వీ షా (2018)
భారత లెజెండరీ కెప్టెన్ రాహుల్ ద్రవిడ్ మార్గదర్శకత్వంలో టీమిండియా నాలుగోసారి ఈ ప్రపంచకప్ను తన ఖాతాలో వేసుకుంది. బంగ్లాదేశ్లో జరిగిన ఈ టోర్నీలో ఫైనల్లో ఆసీస్పైనే భారత్ గెలవడం విశేషం. కెప్టెన్గా వ్యవహరించిన పృథ్వీ భీకరమైన ఫామ్ కనబర్చాడు. ఆరు మ్యాచ్ల్లో 261 రన్స్తో సత్తాచాటాడు. శుభ్మాన్ గిల్ కూడా ఆకట్టుకున్నాడు. ఆల్రౌండర్ అనుకుల్ రాయ్ వికెట్ల పండుగ చేసుకున్నాడు. క్వార్టర్స్లో బంగ్లా, సెమీస్లో పాకిస్థాన్లపై ఘనవిజయాలు సాధించిన భారత్.. ఫైనల్లో ఆసీస్పై అదే స్థాయి విజయాన్ని సాధించింది. 8 వికెట్లతో ఓడించింది. ఈ టోర్నీ ద్వారా షా, గిల్తోపాటు ఇషాన్ పోరెల్, శివమ్ మావిలాంటి ఆటగాళ్లు వెలుగులోకి వచ్చారు.
17 నుంచి టోర్నీ షురూ..
(GETTY IMAGES) ఇక ఈనెల 17 నుంచి ప్రారంభమయ్యే టోర్నీలో భారత్ గ్రూప్-ఏలో ఆడుతుంది. ఇందులో భారత్తోపాటు న్యూజిలాండ్, శ్రీలంక, జపాన్ ఉన్నాయి.
కెప్టెన్గా ప్రియమ్.. ఇద్దరు తెలుగు ప్లేయర్లు
(తిలక్ వర్మ, కెప్టెన్ ప్రియమ్)
గ్రూప్ దశ ముగిశాక సూపర్ లీగ్, నాకౌట్ మ్యాచ్లు జరుగుతాయి. భారతజట్టులో తెలంగాణ నుంచి ఠాకూర్ తిలక్వర్మ,సీటీఎల్ రక్షణ్ ఆడుతున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.