AUS vs IND: టాస్ గెలిచి బ్యాటింగ్ ఎంచుకున్న ఫించ్.. భారత జట్టు ఇదే!

క్రికెట్ అభిమానులు ఎప్పడెప్పుడా అని ఎదురు చూస్తున్న భారత్, ఆస్ట్రేలియా తొలి వన్డే ప్రారంభమైంది. ఈ మ్యాచ్‌లో టాస్ గెలిచిన కెప్టెన్ ఆరోన్ ఫించ్ ముందుగా బ్యాటింగ్ ఎంచుకున్నాడు. ఐపీఎల్‌లో గాయపడిన వన్డే, టీ20 సిరీస్‌‌కు దూరమైన సంగతి తెలిసిందే. దీంతో ఈ మ్యాచ్‌లో శిఖర్ ధావన్‌కు జోడీగా కొత్త ఓపెనర్‌ మయాంక్ అగర్వాల్ బరిలో దిగుతున్నాడు. రాహుల్ ఐదో స్థానంలో ఆడనున్నాడు. ఈ సిరీస్‌లో కోహ్లి సేన 1992 వరల్డ్ కప్ నాటి రెట్రో జెర్సీతో బరిలో దిగుతోంది.

ఈ మ్యాచ్‌లో చాహల్, జడేజా రూపంలో ఇద్దరు స్పిన్నర్లు, బుమ్రా, షమీ, సైనీ రూపంలో ముగ్గురు పేసర్లతో భారత్ బరిలో దిగుతోంది. మనీష్ పాండేకు చోటు దక్కుతుందని భావించగా.. కోహ్లి హార్దిక్ పాండ్యవైపు మొగ్గు చూపాడు. కుల్దీప్ యాదవ్‌కు అవకాశం ఇవ్వకుండా జడేజాను తుది జట్టులోకి తీసుకున్నాడు. ఐపీఎల్‌లో హార్దిక్ పాండ్య హిట్టర్‌గా రాణించగా.. జడేజా సైతం బ్యాట్‌తో రాణించిన సంగతి తెలిసిందే. జడ్డూను జట్టులోకి తీసుకోవడం వల్ల భారత బ్యాటింగ్ ఆర్డర్ మరింత బలోపేతంగా మారింది.

మ్యాచ్ ప్రారంభానికి ముందు ఇరు జట్ల ఆటగాళ్లు షూ లేకుండా సర్కిల్‌లా నిలబడి జాత్యాంహాకార ధోరణికి, వర్ణ వివక్షతకు నిరసన తెలిపారు. భారత జట్టు చివరిసారిగా కరోనా ప్రభావం లేక ముందు స్వదేశంలో దక్షిణాఫ్రితో సిరీస్ ఆడింది. ఆస్ట్రేలియా గత సెప్టెంబర్లో ఇంగ్లాండ్‌తో మూడు వన్డేల సిరీస్‌లో తలపడి 2-1 తేడాతో విజయం సాధించింది.

Read Also: సన్‌రైజర్స్ పేసర్ నటరాజన్‌కు జాక్ పాట్

ఇప్పటి వరకూ ఇరు జట్లు 145 వన్డే మ్యాచ్‌ల్లో ముఖాముఖి తలపడగా.. ఆస్ట్రేలియా 78 మ్యాచ్‌ల్లో విజయం సాధించింది. భారత్ 52 మ్యాచ్‌ల్లో గెలవగా.. 15 మ్యాచ్‌ల్లో ఫలితం తేలలేదు. ఆసీస్ గడ్డ మీద జరిగిన 51 ముఖాముఖి మ్యాచ్‌ల్లో 36 మ్యాచ్‌ల్లో ఆస్ట్రేలియా గెలుపొందింది.

Australia XI: Aaron Finch (c), David Warner, Steve Smith, Marcus Stoinis, Marnus Labuschagne, Glenn Maxwell, Alex Carey (wk), Pat Cummins, Mitch Starc, Adam Zampa, Josh Hazlewood

India Playing XI: Mayank, Dhawan, Kohli (C), Iyer, Rahul (WK), Hardik, Jadeja, Shami, Chahal, Saini, Bumrah