కుల్దీప్‌కి ‘కిక్‌’ హీరోయినంటే ఇష్టమట

ఆస్ట్రేలియాతో ముగిసిన ఐదు వన్డేల సిరీస్‌లో తన చైనామన్ బౌలింగ్‌లో చెలరేగిపోయిన స్పిన్నర్ కుల్దీప్ యాదవ్‌కి కిక్ సినిమాలో సల్మాన్‌తో కలిసి నటించిన జాక్వలైన్ ఫెర్నాండేజ్ అంటే తెగ ఇష్టమట. ఈ విషయాన్ని తాజాగా కుల్దీప్ స్వయంగా వెల్లడించాడు. గత ఆదివారం ముగిసిన ఐదు వన్డేల సిరీస్‌ని భారత్ 4-1 తేడాతో కైవసం చేసుకున్న విషయం తెలిసిందే. ఈ సిరీస్‌లో పొదుపుగా బౌలింగ్ చేస్తూ.. కుల్దీప్ అందరితో ప్రశంసలు అందుకున్నాడు.

కుల్దీప్ పాటు తన మణికట్టు బౌలింగ్‌తో సిరీస్‌లో మెరుగ్గా రాణించిన చాహల్‌‌ని ఓపెనర్ రోహిత్ శర్మ కాసేపు సరదాగా ఇంటర్వ్యూ చేశాడు. ఈ సందర్భంగా ర్యాపిడ్ ఫైర్ శైలిలో అడిగిన ప్రశ్నలకి ఈ స్పిన్నర్లు సమాధానమిచ్చారు. తొలి టీ20 మ్యాచ్ శనివారం రాంచీ వేదికగా జరగనుంది.

రోహిత్: మీ అభిమాన హీరోయిన్..?
చాహల్: కత్రినా కైఫ్
కుల్దీప్ : జాక్వలైన్ ఫెర్నాండేజ్

రోహిత్: ఏ కారు మీ వద్ద ఉండాలనుకుంటున్నారు..?
చాహల్: పోర్స్చే
కుల్దీప్: ముస్తాంగ్

రోహిత్: డ్రీమ్ డేట్‌ కోసం ఎక్కడికి వెళ్లాలనుకుంటున్నారు..?
చాహల్: బొరబొర (ఫ్రెంచ్)
కుల్దీప్: పారిస్

రోహిత్: మీ కాంటాక్ట్ లిస్ట్‌లో ఎవరి నంబరు ఉండాలనుకుంటున్నారు..?
చాహల్: ది రాక్
కుల్దీప్: నెయమార్ జూనియర్