ఆస్ట్రేలియాతో మెల్‌బోర్న్ వేదికగా జరుగుతున్న రెండో టెస్టు మ్యాచ్‌లో భారత కెప్టెన్ అజింక్య రహానె శతకంతో చెలరేగాడు. 200 బంతులాడిన రహానె.. 12x4 సాయంతో 104 చేశాడు. వ్యక్తిగత స్కోరు 96 వద్ద పాట్ కమిన్స్ బౌలింగ్‌లో బ్యాక్‌వర్డ్ పాయింట్ దిశగా చూడచక్కని బౌండరీ బాదిన రహానె.. టెస్టు కెరీర్‌లో 12వ శతకాన్ని పూర్తి చేసుకున్నాడు. మొత్తంగా ఆస్ట్రేలియాపై రహానెకి ఇది రెండో శతకంకాగా.. రెండు సెంచరీలు మెల్‌బోర్న్‌లోనే నమోదు చేయడం గమనార్హం. రహానెతో పాటు ప్రస్తుతం క్రీజులో రవీంద్ర జడేజా (40 బ్యాటింగ్: 104 బంతుల్లో 1x4) ఉండగా.. భారత్ జట్టు తొలి ఇన్నింగ్స్‌లో 277/5తో ఆదివారం ఆటని ముగించింది. అంతకముందు ఆస్ట్రేలియా 195 పరుగులకే ఆలౌటైన నేపథ్యంలో.. ప్రస్తుతం టీమిండియా 82 పరుగుల ఆధిక్యంలో ఉంది.
Samayam Telugu
విరాట్ కోహ్లీ లేకపోవడంతో నాలుగో స్థానంలో బ్యాటింగ్‌కి వచ్చిన అజింక్య రహానె.. హనుమ విహారి (21)తో కలిసి నాలుగో వికెట్‌కి 52 పరుగుల భాగస్వామ్యం నెలకొల్పాడు. ఈ క్రమంలో 111 బంతుల్లో 5X4 సాయంతో హాఫ్ సెంచరీ మార్క్‌ని రహానె అందుకున్నాడు. అయితే.. జట్టు స్కోరు 116 వద్ద విహారి ఔటవగా.. ఆ తర్వాత రిషబ్ పంత్ (29)తో కలిసి ఐదో వికెట్‌కీ 57 పరుగుల భాగస్వామ్యం నెలకొల్పాడు. ఇక చివరి సెషన్‌లో రవీంద్ర జడేజాతో కలిసి కాస్త దూకుడు పెంచిన రహానె.. అజేయంగా 104 పరుగుల భాగస్వామ్యం నెలకొల్పడం గమనార్హం.
మెల్‌బోర్న్‌లో రెండు టెస్టు సెంచరీలు నమోదు చేసింది ఇద్దరు భారత క్రికెటర్లేకాగా.. రహానెతో పాటు జాబితాలో వినో మాన్కండ్ ఉన్నాడు. ఇక ఆస్ట్రేలియా గడ్డపై టెస్టు సెంచరీ నమోదు చేసిన భారత ఐదో కెప్టెన్‌గా రహానె నిలిచాడు. అజహరుద్దీన్, సచిన్ టెండూల్కర్, సౌరవ్ గంగూలీ, విరాట్ కోహ్లీ ఇప్పటికే వరకూ కెప్టెన్‌గా ఈ ఘనత సాధించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
