Jasprit Bumrah: అరోన్ ఫించ్ ఔట్.. ఊపిరి పీల్చుకున్న భారత్

ఆస్ట్రేలియాతో అడిలైడ్ వేదికగా జరుగుతున్న రెండో టెస్టు మ్యాచ్‌లో భారత్ జట్టు ఎట్టకేలకి తొలి వికెట్ పడగొట్టగలిగిది. ఇన్నింగ్స్‌ 36వ ఓవర్ వేసిన జస్‌ప్రీత్ బుమ్రా బౌలింగ్‌లో బంతిని అంచనా వేయడంలో విఫలమైన ఆసీస్ ఓపెనర్ అరోన్ ఫించ్ (50: 105 బంతుల్లో 6x4) వికెట్ల ముందు ఎల్బీడబ్ల్యూగా దొరికిపోయాడు.

మ్యాచ్‌లో టాస్ గెలిచిన ఆస్ట్రేలియా జట్టు బ్యాటింగ్ ఎంచుకోగా.. ఓపెనర్ హారీస్ (55 బ్యాటింగ్: 108 బంతుల్లో 9x)తో కలిసి అరోన్ ఫించ్ తొలి వికెట్‌కి 112 పరుగుల భాగస్వామ్యం నెలకొల్పాడు. అడిలైడ్‌లో విఫలమైన ఈ ఓపెనింగ్ జోడీ.. తొలి సెషన్‌లో వికెట్ ఇవ్వకుండా భారత్ బౌలర్ల సహనాన్ని పరీక్షించింది.

ఆ తర్వాత రెండో సెషన్‌లోనూ వరస ఓవర్లలో అర్ధశతకాలు పూర్తి చేసుకుని ప్రమాదకరంగా మారడంతో.. భారత్ శిబిరంలో ఆందోళన మొదలైంది. ముఖ్యంగా.. అరోన్ ఫించ్.. తెలుగు క్రికెటర్ హనుమ విహారి వేసిన తొలి ఓవర్‌లోనే వరుసగా రెండు ఫోర్లు కొట్టి.. ఊపు మీద కనిపించాడు. అయితే.. ఎట్టకేలకి అతడ్ని పెవిలియన్ బాట పట్టించిన బుమ్రా.. భారత్‌లో ఉత్సాహం నింపాడు.