యాప్నగరం

India vs Australia 3rd ODI Highlights : ఆస్ట్రేలియా గడ్డపై వన్డే సిరీస్‌ కూడా భారత్‌దే..!

మూడు వన్డేల సిరీస్‌ని 2-1తో చేజిక్కించుకున్న కోహ్లీసేన సగర్వంగా కంగారూల గడ్డపై పర్యటనని ముగించింది. ఈ సిరీస్‌కి ముందు జరిగిన మూడు టీ20ల సిరీస్‌ 1-1తో సమమవగా.. నాలుగు టెస్టుల సిరీస్‌లో భారత్ 2-1 తేడాతో గెలిచిన విషయం తెలిసిందే.

Samayam Telugu 18 Jan 2019, 5:51 pm
ఆస్ట్రేలియా గడ్డపై 72 ఏళ్ల నిరీక్షణ తర్వాత టెస్టు సిరీస్ గెలిచిన టీమిండియా.. తాజాగా వన్డే సిరీస్‌‌లోనూ ఘన విజయం సాధించింది. మెల్‌బోర్న్ వేదికగా ఆస్ట్రేలియాతో ఈరోజు జరిగిన ఆఖరి వన్డేలో మహేంద్రసింగ్ ధోని (87 నాటౌట్: 114 బంతుల్లో 6x4), కేదార్ జాదవ్ (61 నాటౌట్: 57 బంతుల్లో 7x4) అజేయ అర్ధశతకాలు బాదడంతో 231 పరుగుల లక్ష్యాన్ని భారత్ మరో 4 బంతులు మిగిలి ఉండగానే 234/3తో అలవోకగా ఛేదించేసింది. దీంతో.. మూడు వన్డేల సిరీస్‌ని 2-1తో చేజిక్కించుకున్న కోహ్లీసేన సగర్వంగా కంగారూల గడ్డపై పర్యటనని ముగించింది. ఈ సిరీస్‌కి ముందు జరిగిన మూడు టీ20ల సిరీస్‌ 1-1తో సమమవగా.. నాలుగు టెస్టుల సిరీస్‌లో భారత్ 2-1 తేడాతో గెలిచిన విషయం తెలిసిందే.
Samayam Telugu DxMJwRUU0AEWswQ


undefined

undefined


లక్ష్యఛేదనలో ఓపెనర్లు రోహిత్ శర్మ (9: 17 బంతుల్లో 1x6), శిఖర్ ధావన్ (21: 44 బంతుల్లో) నిరాశపరిచినా.. మూడో వికెట్‌కి విరాట్ కోహ్లీ (46: 62 బంతుల్లో 3x4)తో కలిసి 54 పరుగుల భాగస్వామ్యాన్ని నెలకొల్పిన మహేంద్రసింగ్ ధోని ఆఖర్లో కేదార్ జాదవ్‌తో కలిసి అజేయంగా 121 పరుగుల భాగస్వామ్యంతో భారత్‌ని గెలిపించాడు. సిరీస్‌లో జరిగిన మూడు వన్డేల్లోనూ అర్ధశతకాలు సాధించిన ధోనీకి ‘మ్యాన్ ఆఫ్ ద సిరీస్’ అవార్డు దక్కింది.

undefined
undefinedundefined undefinedundefined
అంతకముందు టాస్ ఓడి తొలుత బ్యాటింగ్ చేసిన ఆస్ట్రేలియా జట్టు.. స్పిన్నర్ చాహల్ (6/42) దెబ్బకి 230 పరుగులకే కుప్పకూలిపోయింది. ఆ జట్టులో పీటర్ హ్యాండ్స్‌కబ్ (58: 63 బంతుల్లో 2x4) మాత్రమే అర్ధశతకంతో ఫర్వాలేదనిపించాడు. రెండో వన్డేలో శతకం సాధించిన షాన్ మార్ష్ (39: 54 బంతుల్లో 3x4)తో పాటు.. కీలకమైన ఉస్మాన్ ఖవాజా (34: 51 బంతుల్లో 2x4), స్టాయినిస్ (10: 20 బంతుల్లో 1x4) వికెట్లు పడగొట్టిన చాహల్.. ఆ జట్టుని ఏ దశలోనూ కోలుకోనివ్వలేదు.
undefined
ఆఖర్లో మాక్స్‌వెల్ (26: 19 బంతుల్లో 5x4) రిచర్డ్‌సన్ (16), ఆడమ్ జంపా (8), స్టాన్‌లేక్ (0) క్రీజులో నిలిచేందుకు విశ్వప్రయత్నం చేసినా.. చాహల్‌తో పాటు భారత్ బౌలర్లు వారిని కుదురుకోనివ్వలేదు. దీంతో.. ఆస్ట్రేలియా జట్టు 48.4 ఓవర్లలోనే 230 పరుగులకే చేతులెత్తేసింది. గత రెండు రెండో వన్డేల్లోనూ కుల్దీప్ యాదవ్ ఆడటంతో.. చాహల్‌కి తుది జట్టులో అవకాశం దక్కలేదు.

undefined
undefined

భారత్ తుది జట్టులో మూడు మార్పులు చోటు చేసుకున్నాయి. రెండో వన్డేలో ధారాళంగా పరుగులిచ్చిన హైదరాబాద్ ఫాస్ట్ బౌలర్ మహ్మద్ సిరాజ్‌పై వేటు పడగా.. అతని స్థానంలో ఆల్‌రౌండర్ విజయ్ శంకర్‌కి అవకాశం దక్కింది. అలానే.. తొలి రెండు వన్డేల్లోనూ నిరాశపరిచిన మిడిలార్డర్ బ్యాట్స్‌మెన్ అంబటి రాయుడు స్థానంలో కేదార్ జాదవ్, మణికట్టు స్పిన్నర్ కుల్దీప్ యాదవ్ స్థానంలో చాహల్‌కి ఛాన్స్ లభించింది. ఇప్పటికే భారత్ తరఫున టీ20లు ఆడిన విజయ్ శంకర్‌ ఈ మ్యాచ్‌తో వన్డేల్లోకి అరంగేట్రం చేస్తున్నాడు.





తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.