యాప్నగరం

IND vs AUS: భారత్‌లో ఆసీస్ పర్యటన ఖరారు.. షెడ్యూల్

ఆస్ట్రేలియా గడ్డపై ప్రస్తుతం మూడు వన్డేల సిరీస్‌కి సిద్ధమవుతున్న భారత్ జట్టు.. ఈనెల 18న ఆఖరి వన్డే‌తో పర్యటనని ముగించనుంది. ఆ తర్వాత న్యూజిలాండ్‌‌ పర్యటనకి వెళ్లి.. ?

Samayam Telugu 10 Jan 2019, 4:37 pm
భారత్ గడ్డపై ఈ ఏడాది ఆస్ట్రేలియా పర్యటన ఖరారైంది. ఐపీఎల్ 2019 సీజన్‌కి ముందు భారత్‌లో పర్యటించనున్న కంగారూలు.. ఇక్కడ రెండు టీ20లు, ఐదు వన్డేల సిరీస్‌ని ఆడనున్నారు. ఈ మేరకు భారత క్రికెట్ నియంత్రణ మండలి (బీసీసీఐ) ఈరోజు షెడ్యూల్‌ని విడుదల చేసింది. ఫిబ్రవరి 24న తొలి టీ20 మ్యాచ్ జరగనుండగా.. మార్చి 13న ఆఖరి వన్డే‌తో పర్యటన ముగియనుంది. ఆ తర్వాత మార్చి 23 నుంచి ఐపీఎల్ 2019 సీజన్ ప్రారంభంకానున్న విషయం తెలిసిందే. 2017లో మాజీ కెప్టెన్ స్టీవ్‌స్మిత్ నాయకత్వంలో ఆస్ట్రేలియా జట్టు ఆఖరిసారి భారత్‌లో పర్యటించింది.
Samayam Telugu 09c6dac9ec0ea1cbd78f9c22aed953c9


ఆస్ట్రేలియా గడ్డపై ప్రస్తుతం మూడు వన్డేల సిరీస్‌కి సిద్ధమవుతున్న భారత్ జట్టు.. ఈనెల 18న ఆఖరి వన్డే‌తో పర్యటనని ముగించనుంది. ఆ తర్వాత న్యూజిలాండ్‌‌ పర్యటనకి వెళ్లి.. అక్కడ ఈనెల 23 నుంచి ఫిబ్రవరి 10 వరకూ ఐదు వన్డేలు, మూడు టీ20లను ఆడనుంది. ఆ తర్వాతే ఫిబ్రవరి 24 నుంచి ఆస్ట్రేలియాతో సిరీస్‌ ఆడుతుంది.

తొలి టీ20 బెంగళూరు వేదికగా ఫిబ్రవరి 24న, రెండో టీ20 విశాఖపట్నం వేదికగా 27న, తొలి వన్డే హైదరాబాద్ వేదికగా మార్చి 2న, రెండో వన్డే నాగ్‌పూర్ వేదికగా మార్చి 5న, మూడో వన్డే రాంచీ వేదికగా మార్చి 8న, నాలుగో వన్డే మొహాలి వేదికగా మార్చి 10న, ఐదో వన్డే ఢిల్లీ వేదికగా మార్చి 13న జరగనుంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.