భారత మిడిలార్డర్ బ్యాట్స్మెన్ కేఎల్ రాహుల్ విఫలమైనా.. అతనికి మరో ఛాన్స్ ఇవ్వాలనే యోచనలో ఉన్నట్లు భారత కెప్టెన్ విరాట్ కోహ్లి వెల్లడించాడు. ఆస్ట్రేలియాతో ఆదివారం తొలి వన్డే జరగనున్న నేపథ్యంలో మీడియాతో కోహ్లి మాట్లాడాడు. ఇటీవల శ్రీలంకతో ముగిసిన సిరీస్లో తొలి మూడు వన్డేల్లో అవకాశం దక్కించుకున్న కేఎల్ రాహుల్ 4, 17, 7 పరుగులతో నిరాశపరిచాడు. గత రెండేళ్లుగా ఓపెనర్గా వస్తున్న అతడ్ని.. శిఖర్ ధావన్ జట్టులో ఉండటంతో యువరాజ్ ఆడే నాలుగో స్థానానికి మార్చారు. అయితే.. ఆ స్థానంలో ఘోరంగా విఫలమవడంతో ఆస్ట్రేలియాతో సిరీస్లో అతనిపై వేటు పడటం ఖాయమేనని అంతా భావించారు. కానీ.. సెలక్టర్లు అతనికి మరో ఛాన్స్ ఇస్తూ.. సిరీస్కి ఎంపిక చేశారు.
‘కేఎల్ రాహుల్ చాలా ప్రతిభ ఉన్న బ్యాట్స్మెన్. మూడు ఫార్మాట్లలో తానేంటో ఇప్పటికే నిరూపించుకున్నాడు. కానీ.. ప్రస్తుతం అతను వన్డేల్లో ఫామ్ కోల్పోయాడు. కాబట్టి ఇప్పుడు రాహుల్కి జట్టు మద్దతు కావాలి. ఒక్కసారి అతను ఫామ్ అందుకోగలిగితే.. జట్టుకి విజయాలను అందించే ఇన్నింగ్స్లు ఆడగలడు. అతనిపై మాకు నమ్మకం ఉంది. ఇక బ్యాటింగ్ ఆర్డర్ గురించి అంటారా..? జట్టు అవసరార్థం ఏ స్థానంలోనైనా బ్యాటింగ్ చేయాల్సి ఉంటుంది. నేను కూడా కొన్ని టీ20 మ్యాచ్ల్లో ఓపెనర్గా వచ్చాను. టెస్టుల్లో నాలుగో స్థానం.. వన్డేల్లో మూడో స్థానంలో బ్యాటింగ్ చేస్తున్నాను. కాబట్టి జట్టు అవసరాలకి అనుగుణంగా ఆటగాళ్లు సర్దుకోవాలి’ అని కోహ్లి వివరించాడు.
‘కేఎల్ రాహుల్ చాలా ప్రతిభ ఉన్న బ్యాట్స్మెన్. మూడు ఫార్మాట్లలో తానేంటో ఇప్పటికే నిరూపించుకున్నాడు. కానీ.. ప్రస్తుతం అతను వన్డేల్లో ఫామ్ కోల్పోయాడు. కాబట్టి ఇప్పుడు రాహుల్కి జట్టు మద్దతు కావాలి. ఒక్కసారి అతను ఫామ్ అందుకోగలిగితే.. జట్టుకి విజయాలను అందించే ఇన్నింగ్స్లు ఆడగలడు. అతనిపై మాకు నమ్మకం ఉంది. ఇక బ్యాటింగ్ ఆర్డర్ గురించి అంటారా..? జట్టు అవసరార్థం ఏ స్థానంలోనైనా బ్యాటింగ్ చేయాల్సి ఉంటుంది. నేను కూడా కొన్ని టీ20 మ్యాచ్ల్లో ఓపెనర్గా వచ్చాను. టెస్టుల్లో నాలుగో స్థానం.. వన్డేల్లో మూడో స్థానంలో బ్యాటింగ్ చేస్తున్నాను. కాబట్టి జట్టు అవసరాలకి అనుగుణంగా ఆటగాళ్లు సర్దుకోవాలి’ అని కోహ్లి వివరించాడు.