భారత్‌పై తొలి టెస్టులో బంగ్లాదేశ్ బ్యాటింగ్

Photo credit: Screengrab from BCCI video

Samayam Telugu

భారత్‌తో ఇండోర్ వేదికగా గురువారం ఆరంభమైన తొలి టెస్టు మ్యాచ్‌లో టాస్ గెలిచిన బంగ్లాదేశ్ కెప్టెన్ మొమినుల్ హక్ బ్యాటింగ్ ఎంచుకున్నాడు. ఇటీవల ముగిసిన మూడు టీ20ల సిరీస్‌ని టీమిండియా 2-1 తో చేజిక్కించుకోగా.. కనీసం టెస్టుల్లోనైనా గట్టి పోటీనివ్వాలని పసికూన ఆశిస్తోంది. అయితే.. టెస్టు రికార్డుల్లో బంగ్లాపై ఇప్పటి వరకూ భారత్ జట్టు ఆధిపత్యం స్పష్టంగా కనిపిస్తోంది. 2000లో టెస్టు హోదా పొందిన బంగ్లాదేశ్ ఈ 19 ఏళ్లలో టీమిండియాతో ఆరు సార్లు టెస్టుల్లో తలపడింది. కానీ.. కనీసం ఒక్క మ్యాచ్‌లో కూడా గెలుపొందలేదు. అందులో ఏకంగా ఐదింట్లో ఓడి.. ఒక మ్యాచ్‌ని మాత్రం డ్రాగా ముగించుకుంది. చివరిగా 2017లో హైదరాబాద్ వేదికగా ఆ రెండు జట్లు ఏకైక టెస్టులో తలపడ్డాయి.

undefined


ఈ ఏడాది ఆగస్టులో టెస్టు ఛాంపియన్‌షిప్ మొదలైన తర్వాత ఆడిన అన్ని టెస్టుల్లోనూ ఘన విజయాల్ని అందుకున్న టీమిండియా.. ప్రస్తుతం మంచి జోరుమీదుంది. ఇటీవల వెస్టిండీస్, దక్షిణాఫ్రికా జట్లు టెస్టుల్లో భారత్‌కి కనీస పోటీని కూడా ఇవ్వలేకపోయాయి. ఈ నేపథ్యంలో.. పసికూన బంగ్లాదేశ్ ఏ మేరకు భారత్ దూకుడు ముందు నిలుస్తుందో..? చూడాలి. దక్షిణాఫ్రికాతో చివరిగా టెస్టు మ్యాచ్ ఆడిన జట్టునే విరాట్ కోహ్లీ కొనసాగించాడు. దీంతో.. ముగ్గురు ఫాస్ట్ బౌలర్లు, ఇద్దరు స్పిన్నర్ల కాంబినేషన్‌తో టీమిండియా బరిలోకి దిగింది.

Read More: బంగ్లా టీ20 టీమ్‌కి ‘బాస్’ ఎవరో తెలిసిందా..?: పాక్ బౌలర్

India (Playing XI): Mayank Agarwal, Rohit Sharma, Cheteshwar Pujara, Virat Kohli(c), Ajinkya Rahane, Ravindra Jadeja, Wriddhiman Saha(w), Ravichandran Ashwin, Umesh Yadav, Mohammed Shami, Ishant Sharma

Bangladesh (Playing XI): Imrul Kayes, Shadman Islam, Mohammad Mithun, Mominul Haque(c), Mushfiqur Rahim, Mahmudullah, Liton Das(w), Mehedy Hasan, Taijul Islam, Abu Jayed, Ebadat Hossain

Read More: పొలార్డ్ అతి తెలివి.. కంగుతిన్న అంపైర్