భారత్ 352/7 డిక్లేర్... ఇంగ్లాండ్ టార్గెట్ 521

ఇంగ్లాండ్ గడ్డపై టెస్టు సిరీస్‌లో తొలి విజయానికి భారత్ జట్టు భారీ స్కోరుతో బాటలు వేసుకుంది. నాటింగ్‌హామ్ వేదికగా జరుగుతున్న మూడో టెస్టులో.. మూడో రోజైన సోమవారం ఓవర్‌ నైట్ స్కోరు 124/2తో రెండో ఇన్నింగ్స్‌ను కొనసాగించిన భారత జట్టులో కెప్టెన్ విరాట్ కోహ్లి (103: 197 బంతుల్లో 10x4) శతకం బాదగా, పుజారా (72: 208 బంతుల్లో 9x4), హార్దిక్ పాండ్య (52: 52 బంతుల్లో 7x4, 1x6) బాధ్యతాయుత ఇన్నింగ్స్‌లు ఆడేశారు. దీంతో.. జట్టు 352/7తో నిలిచిన దశలో కెప్టెన్ కోహ్లి రెండో ఇన్నింగ్స్‌ను డిక్లేర్ చేశాడు. తొలి ఇన్నింగ్స్‌లో భారత్‌కి 168 పరుగుల ఆధిక్యం లభించిన నేపథ్యంలో.. 521 పరుగుల భారీ లక్ష్యం ఇంగ్లాండ్‌ ముందు నిలిచింది.

జట్టు స్కోరు 224 వద్ద తొలుత పుజారా ఔటవగా.. అనంతరం శతకం పూర్తి చేసుకున్న విరాట్ కోహ్లి 281 పరుగుల ఔటయ్యాడు. దీంతో.. భారత్ జట్టు ఇన్నింగ్స్‌ను డిక్లేర్ చేస్తుందని అంతా భావించారు. కానీ.. జట్టు స్కోరు 500+ చేరుకునే వరకూ వేచి చూసిన కోహ్లి.. ఆ తర్వాత హార్దిక్ పాండ్య దూకుడుగా ఆడుతుండటంతో.. అతని అర్ధశతకం పూర్తి అయిన తర్వాత డిక్లేర్ చేశాడు.