ఒకే ఓవర్లో రెండు వికెట్లు తీసిన అశ్విన్

ముంబైలో జరుగుతున్న నాలుగో టెస్టులో అశ్విన్ సత్తా చాటాడు. ఒకే ఓవర్లో రెండు కీలక వికెట్లు తీసి ఇంగ్లండ్‌ను దెబ్బ కొట్టాడు. 230/2తో భారీ స్కోరు దిశగా సాగుతున్నఇంగ్లండ్‌కు అశ్విన్ షాకిచ్చాడు. మూడు బంతుల వ్యవధిలో మొయిల్ అలీ, జెన్నింగ్స్‌ను అవుట్ చేశాడు. 104 బంతుల్లో 50 పరుగులు చేసిన మొయిన్ అలీని అవుట్ చేసిన అశ్విన్ 94 పరుగుల జెన్నింగ్స్-అలీ భాగస్వామ్యాన్ని విడగొట్టాడు. చెత్త షాట్‌తో అలీ అవుటయ్యాడు. ఒక్క బంతి గ్యాప్ తర్వాత జెన్నింగ్స్ వికెట్ కూడా తీసి ఇంగ్లండ్‌కు షాకిచ్చాడు.

జెన్నింగ్స్ కొట్టిన షాట్‌ను గల్లీలో ఉన్న పుజారా అద్భుతంగా అందుకున్నాడు. దీంతో 112 పరుగులు చేసిన జెన్నింగ్స్ అద్భుత ఇన్నింగ్స్ ముగిసింది. ఇద్దరు బ్యాట్స్‌మెన్ ఒకే ఓవర్లో పెవిలియన్ చేరడంతో ఇంగ్లండ్ జట్టు ఒక్కసారిగా కష్టాల్లో పడింది. 74 ఓవర్లు ముగిసే సరికి ఇంగ్లిష్ జట్టు 233/4తో నిలిచింది. అశ్విన్‌కు మూడు వికెట్లు దక్కాయి.