వికటించిన కోహ్లి ప్రయోగం.. రోహిత్ డకౌట్

ఐర్లాండ్‌తో జరుగుతున్న టీ20 సిరీస్‌లో బ్యాటింగ్‌ ఆర్డర్‌పై ప్రయోగాలు చేస్తున్న టీమిండియాకి చేదు అనుభవాలు ఎదురవుతున్నాయి. డబ్లిన్ వేదికగా శుక్రవారం జరిగిన రెండో టీ20లో ఓపెనర్‌గా వచ్చిన విరాట్ కోహ్లి.. రెగ్యులర్ ఓపెనర్ రోహిత్ శర్మని మిడిలార్డర్‌లోకి మార్చాడు. కానీ.. ఈ ప్రయోగం ఘోరంగా విఫలమైంది.

ఓపెనర్‌గా వచ్చిన విరాట్ కోహ్లి (9: 8 బంతుల్లో 1x4) జట్టు స్కోరు 22 వద్దే సిక్స్ కొట్టే ప్రయత్నంలో ఔటవగా.. నాలుగో స్థానంలో బ్యాటింగ్‌కు వచ్చిన రోహిత్ శర్మ డకౌటయ్యాడు. గత బుధవారం జరిగిన తొలి టీ20 మ్యాచ్‌లో అద్భుతంగా ఆడిన రోహిత్ శర్మ 97 పరుగులు చేశాడు. కానీ.. ఈ మ్యాచ్‌లో అతడ్ని మిడిలార్డర్‌లోకి పంపి లయని దెబ్బతీసినట్లైంది. మరోవైపు తొలి టీ20లో డకౌటైన కోహ్లి.. రెండో టీ20లోనూ విఫలమయ్యాడు. ప్రత్యర్థిని ఆశ్చర్యపరిచేలా బ్యాటింగ్ ఆర్డర్‌లో మార్పులు ఉంటాయని తొలి టీ20 అనంతరం విరాట్ కోహ్లి చెప్పిన విషయం తెలిసిందే.