కోహ్లి సిక్సర్ బంతిని బాల్‌బాయ్ ఒంటిచేత్తో..?

భారత్, న్యూజిలాండ్ మధ్య వాంఖడేలో జరుగుతున్న తొలి వన్డేలో ఆసక్తికరమైన సన్నివేశం ఒకటి చోటు చేసుకుంది. భారత్ కెప్టెన్ విరాట్ కోహ్లి కొట్టిన ఓ బంతి సిక్సర్ రూపంలో బౌండరీ లైన్ అవల పడుతుండగా.. అక్కడే కూర్చుని ఉన్న బాల్‌బాయ్ లేచి చాకచక్యంగా దాన్ని ఒంటిచేత్తో క్యాచ్‌గా అందుకున్నాడు. దీంతో క్షణాల వ్యవధిలోనే అతను స్టార్‌గా మారిపోయాడు. కామెంటేటర్లు సైతం అతడి క్యాచ్ పట్టిన విధానానికి ఫిదా అయిపోయారు.

ఇన్నింగ్స్ 25వ ఓవర్ వేసిన మిల్నే షార్ట్ డెలివరీ బంతిని విరాట్ కోహ్లిపైకి ప్రయోగించాడు. ఆ బంతిని ముందే ఊహించిన కోహ్లి.. తెలివిగా దాన్ని ఫైన్‌లెగ్ దిశగా ఫుల్ చేశాడు. దీంతో బంతి అక్కడే ఉన్న ఫీల్డర్ తలమీదుగా వెళ్లి బౌండరీ లైన్ అవల పడింది. ఈ క్రమంలోనే ఆ బంతిని క్యాచ్‌గా అందుకుని బాల్‌బాయ్ వార్తల్లో నిలిచాడు. ఈ వన్డేతో విరాట్ కోహ్లి కెరీర్‌లో 200వ వన్డే మైలురాయిని చేరుకున్నాడు.

Great grab by the ball boy #INDvNZ #crowdcatch pic.twitter.com/Yn0GJmn5fo — Michael Blatherwick (@blathers66) October 22, 2017