Hamilton T20: రోహిత్ ధనాధన్ ఫిఫ్టీ.. రాహుల్ ఔట్

న్యూజిలాండ్‌తో జరుగుతున్న మూడో టీ20లో భారత్‌కు శుభారంభం లభించింది. గత రెండు మ్యాచ్‌ల్లో విఫలమైన రోహిత్ శర్మ.. ఈ మ్యాచ్‌లో జూలు విదిల్చాడు. ధనాధన్ ఆటతీరుతో కేవలం 23 బంతుల్లోనే అర్థసెంచరీ పూర్తి చేశాడు. ఇక ఇన్నింగ్స్ ఆరో ఓవర్‌లో విశ్వరూపం చూపించిన హిట్‌మ్యాన్ మూడు సిక్సర్లు, రెండు ఫోర్లు బాదాడు. దీంతో ఈ ఓవర్లో ఏకంగా 27 పరుగులొచ్చాయి. అలాగే పవర్‌ప్లే ముగిసేసరికి 69/0తో భారత్ నిలిచింది. ఓవైపు రోహిత్ చెలరేగుతుండగా.. మరో ఎండ్‌లో రాహుల్ యాంకర్ రోల్ పోషించాడు. అయితే కుదురుగా సాగుతున్న ఈ జోడీని కివీస్ ఆల్‌ రౌండర్ కొలిన్ గ్రాండ్‌హోమ్ విడదీశాడు. తొమ్మిదో ఓవర్ ఆఖరు బంతికి రాహుల్‌ను పెవిలియన్‌కు పంపాడు. దీంతో 89 పరుగుల భాగస్వామ్యానికి తెరపడింది.

టాస్ గెలిచిన న్యూజిలాండ్ కెప్టెన్ కేన్ విలియమ్సన్ బౌలింగ్ ఎంచుకున్నాడు. ఐదు మ్యాచ్‌ల టీ20 సిరీస్‌లో ఇండియా 2-0తో ఆధిక్యంలో నిలిచింది. ఇక్కడ జరిగిన గత నాలుగు మ్యాచ్‌ల్లో తొలుత బ్యాటింగ్ చేసిన జట్టే విజయం సాధించింది. అయితే అందరినీ ఆశ్చర్యపరుస్తూ కేన్ ఈ మ్యాచ్‌లో టాస్ నెగ్గి బౌలింగ్ ఎంచుకున్నాడు. ఈ మ్యాచ్‌లో ఎలాంటి మార్పులు లేకుండానే భారత్ బరిలోకి దిగుతోంది. అయితే కివీస్ మాత్రం ఒక మార్పు చేసింది. బ్లైర్ టిక్నెర్ స్థానంలో స్కాట్ కుగెలైన్‌ను జట్టులోకి తీసుకుంది.

Teams:

India (Playing XI): Rohit Sharma, Lokesh Rahul(w), Virat Kohli(c), Shreyas Iyer, Manish Pandey, Shivam Dube, Ravindra Jadeja, Shardul Thakur, Mohammed Shami, Yuzvendra Chahal, Jasprit Bumrah

New Zealand (Playing XI): Martin Guptill, Colin Munro, Kane Williamson(c), Colin de Grandhomme, Ross Taylor, Tim Seifert(w), Mitchell Santner, Tim Southee, Scott Kuggeleijn, Ish Sodhi, Hamish Bennett



న్యూజిలాండ్‌ గడ్డపై కొత్త చరిత్ర నమోదు చేసేందుకు భారత్ సిద్ధమైంది. కివీస్ గడ్డపై తొలి టీ20 సిరీస్ సాధించేందుకు కేవలం ఒక్క విజయం దూరంలో నిలిచింది. అన్ని రంగాల్లో పటిష్టంగా నిలిచిన భారత్.. ఈ మ్యాచ్‌లో ఫేవరెట్‌గా బరిలోకి దిగుతోంది. స్థాయికి తగ్గ ఆటతీరు కనబరిస్తే ఈ మ్యాచ్‌లో విజయం సాధించడం టీమిండియాకు ఏమాత్రం కష్టం కాబోదని విశ్లేషకులు పేర్కొంటున్నారు.

Read Also: undefined

మరోవైపు సిరీస్‌లో నిలవాలంటే గెలవాలనే లక్ష్యంతో న్యూజిలాండ్ ఈ మ్యాచ్‌లో బరిలోకి దిగుతోంది. గత రెండు మ్యాచ్‌ల్లో భారత్‌ను కట్టడి చేయడంలో విఫలమైన కివీస్.. ఈ మ్యాచ్‌లో ఎలాంటి ప్రణాళికల్ని అమలు చేస్తారో చూడాలి. అయతే మూడో టీ20 వేదికైన హామిల్టన్ సెడాన్ పార్కులో కివీస్‌కు మంచి రికార్డు ఉంది. అందుచేత తమకు కలిసొచ్చిన స్టేడియంలో తమ రాత మారాలని కివీస్ టీమ్ మేనేజ్మెంట్ ఆశిస్తోంది.

Read Also: undefined