వరుసగా పుజారా, పార్థీవ్, పాండ్య ఔట్

దక్షిణాఫ్రికాతో జరుగుతున్న మూడో టెస్టులో భారత్ 144 పరుగుల వద్దే వరుసగా మూడు వికెట్లు చేజార్చుకుంది. ఇన్నింగ్స్‌ 62వ ఓవర్ వేసిన ఆండిల్ బౌలింగ్‌లో బంతిని ప్లిక్ చేసే ప్రయత్నంలో చతేశ్వర్ పుజారా (50: 179 బంతుల్లో 8x4) వికెట్ కీపర్ డికాక్ చేతికి చిక్కాడు. తర్వాత ఓవర్‌లోనే పార్థీవ్‌ పటేల్ (2: 22 బంతుల్లో)ను మోర్నీ మోర్కెల్ బోల్తా కొట్టించాడు.

బౌన్సర్‌గా వచ్చిన బంతిని హిట్ చేసే ప్రయత్నంలో పార్థీవ్ వికెట్ కీపర్‌కే క్యాచ్ ఇచ్చి ఔటయ్యాడు. 64వ ఓవర్‌లో మళ్లీ బౌలింగ్‌కి వచ్చిన ఆండిల్ యువ హిట్టర్ హార్దిక్ (0)ని డకౌట్‌గా పెవిలియన్‌కి పంపడంతో భారత్ 144 స్కోరు వద్దే వరుసగా మూడు వికెట్లు చేజార్చుకుంది. ఆండిల్ విసిరిన బౌన్సర్‌ని భారీ షాట్‌ కొట్టేందుకు ప్రయత్నించిన హార్దిక్ పాండ్య.. స్లిప్‌లో గాల్లోకి బంతిని లేపేశాడు. దీంతో చొరవ తీసుకున్న డికాక్ ఎలాంటి తడబాటు లేకుండా చక్కగా క్యాచ్ అందుకున్నాడు.