భారత యువ వికెట్ కీపర్ ఇషాన్ కిషన్ రనౌట్ చేయడంలో మహేంద్రసింగ్ ధోనీని తలపించాడు. కొలంబో వేదికగా మంగళవారం రాత్రి శ్రీలంకతో జరిగిన రెండో వన్డేలో లేని పరుగు కోసం సందకన్ ప్రయత్నించగా.. ఇషాన్ కిషన్ ఎలాంటి తడబాటు లేకుండా డైరెక్ట్ హిట్గా రనౌట్ చేశాడు. చివరి ఓవర్ కావడంతో.. అప్పటికే క్రీజులో సెటిలైన కరుణరత్నెకి సందకన్ స్ట్రైక్ ఇచ్చేందుకు ప్రయత్నిస్తాడని ఊహించిన ఇషాన్ కిషన్.. రనౌట్ చేస్తానని టీమిండియా కెప్టెన్ శిఖర్ ధావన్కి ముందే చెప్పడం విశేషం. ఇన్నింగ్స్ ఆఖరి ఓవర్ వేసిన భువనేశ్వర్ కుమార్.. రెండో బంతికి చమీరా (2)ని ఔట్ చేశాడు. అనంతరం క్రీజులోకి వచ్చిన సందకన్.. మూడో బంతి హిట్ చేసే ప్రయత్నం చేశాడు. కానీ.. భువీ తెలివిగా స్లో బంతి విసరడంతో.. సందకన్ కనెక్ట్ చేయలేకపోయాడు. అయినప్పటికీ.. పరుగు కోసం నాన్స్ట్రైక్ ఎండ్లోని కరుణరత్నె పిలవడంతో.. క్రీజు మధ్యలోకి వెళ్లిపోయాడు. కానీ.. వికెట్ల వెనుక బంతిని అందుకున్న ఇషాన్ కిషన్ రనౌట్ చేసేలా కనిపించడంతో కరుణరత్నె మళ్లీ సందకన్ని వెనక్కి వెళ్లిపోవాల్సిందిగా సూచించాడు. అయితే అప్పటికే ఆలస్యమైపోయింది. బంతిని అందుకున్న ఇషాన్ కిషన్ నేరుగా బంతిని వికెట్లపైకి విసిరాడు.
బంతి వికెట్లని తాకే సమయానికి సందకన్ క్రీజుకి చాలా దూరంలో ఉండటంతో.. స్వ్కేర్ లెగ్ అంపైర్ మరో ఆలోచన లేకుండా ఔటిచ్చేశాడు. ఈ రనౌట్ తర్వాత కెప్టెన్ శిఖర్ ధావన్ వైపు చూస్తూ.. ‘‘నేను చెప్పానా అతడ్ని రనౌట్ చేస్తానని’’ అని హిందీలో ఇషాన్ కిషన్ చెప్పడం స్టంప్ మైక్లో రికార్డైంది.
బంతి వికెట్లని తాకే సమయానికి సందకన్ క్రీజుకి చాలా దూరంలో ఉండటంతో.. స్వ్కేర్ లెగ్ అంపైర్ మరో ఆలోచన లేకుండా ఔటిచ్చేశాడు. ఈ రనౌట్ తర్వాత కెప్టెన్ శిఖర్ ధావన్ వైపు చూస్తూ.. ‘‘నేను చెప్పానా అతడ్ని రనౌట్ చేస్తానని’’ అని హిందీలో ఇషాన్ కిషన్ చెప్పడం స్టంప్ మైక్లో రికార్డైంది.