విశాఖలో తొలి వికెట్‌ బుమ్రా ఖాతాలో..!

శ్రీలంకతో విశాఖపట్నం వేదికగా జరుగుతున్న మూడో వన్డేలో భారత్‌కి శుభారంభం లభించింది. ఇన్నింగ్స్ నాలుగో ఓవర్‌లోనే పేసర్ జస్‌ప్రీత్ బుమ్రా తెలివైన బంతి విసరడంతో టాస్ ఓడి తొలుత బ్యాటింగ్ చేస్తున్న శ్రీలంక జట్టు 15 పరుగుల వద్దే మొదటి వికెట్ కోల్పోయింది.

బుమ్రా విసిరిన గుడ్ లెంగ్త్ బంతిని లాంగాన్ దిశగా హిట్ చేసేందుకు శ్రీలంక ఓపెనర్ గుణతిలక (13: 12 బంతుల్లో 2x4) ప్రయత్నించాడు. కానీ.. బంతిని అతను ఆశించినంత బలంగా హిట్ చేయలేకపోవడంతో బంతి.. మిడాన్ దిశగా గాల్లోకి లేచి అక్కడే ఫీల్డింగ్ చేస్తున్న కెప్టెన్ రోహిత్ శర్మ చేతుల్లోకి వెళ్లింది.