శ్రీలంకతో ఇండోర్ వేదికగా మంగళవారం రాత్రి జరిగిన రెండో టీ20 మ్యాచ్‌లో భారత ఫాస్ట్ బౌలర్ శార్ధూల్ ఠాకూర్ తాను వేసిన చివరి ఓవర్‌లో ఆఖరి రెండు బంతులకీ వికెట్లు పడగొట్టాడు. దీంతో.. పుణె వేదికగా శుక్రవారం రాత్రి జరగనున్న మూడో టీ20లో అతను వేసిన తొలి ఓవర్‌ మొదటి బంతికి వికెట్ పడగొట్టగలిగితే..? హ్యాట్రిక్ నమోదు చేసినట్లవుతుందని అంతా ఊహించారు. కానీ.. పుణె టీ20లో ఫస్ట్ బాల్‌కే అతను వికెట్ పడగొట్టినా.. దాన్ని హ్యాట్రిక్‌గా పరిగణించరు. కారణం మ్యాచ్ మారిపోతుండటమే.
Samayam Telugu9 Jan 2020, 12:37 pm
శ్రీలంకతో ఇండోర్ వేదికగా మంగళవారం రాత్రి జరిగిన రెండో టీ20 మ్యాచ్‌లో భారత ఫాస్ట్ బౌలర్ శార్ధూల్ ఠాకూర్ తాను వేసిన చివరి ఓవర్‌లో ఆఖరి రెండు బంతులకీ వికెట్లు పడగొట్టాడు. దీంతో.. పుణె వేదికగా శుక్రవారం రాత్రి జరగనున్న మూడో టీ20లో అతను వేసిన తొలి ఓవర్‌ మొదటి బంతికి వికెట్ పడగొట్టగలిగితే..? హ్యాట్రిక్ నమోదు చేసినట్లవుతుందని అంతా ఊహించారు. కానీ.. పుణె టీ20లో ఫస్ట్ బాల్‌కే అతను వికెట్ పడగొట్టినా.. దాన్ని హ్యాట్రిక్‌గా పరిగణించరు. కారణం మ్యాచ్ మారిపోతుండటమే.
సాధారణంగా ఒక మ్యాచ్‌లో బౌలర్ వరుసగా మూడు బంతుల్లో వికెట్లు పడగొడితే అది హ్యాట్రిక్ అవుతుంది. ఆ మూడు బంతులూ ఒకే ఓవర్‌లో ఉండాల్సిన అవసరం లేదు.. రెండు ఓవర్లలో కలిపి ఉండొచ్చు. ఉదాహరణకి.. 10వ ఓవర్‌లో చివరి రెండు బంతులకీ వికెట్లు పడగొట్టిన బౌలర్.. ఆ తర్వాత 12వ ఓవర్‌ తొలి బంతికి వికెట్ తీసినా అది హ్యాట్రిక్ అవుతుంది. ఇక్కడ ఓవర్ల మధ్య గ్యాప్ ఉన్నా.. ఫర్వాలేదు. కాకపోతే.. ఒకే మ్యాచ్‌లో వరుసగా మూడు బంతుల్లో వికెట్లు తీసుండాలి.
శార్ధూల్ ఠాకూర్‌కి హ్యాట్రిక్ మిస్ ఎలా..?
ఇండోర్ టీ20లో ఇన్నింగ్స్‌ 19వ ఓవర్‌లో చివరి రెండు బంతులకీ శార్ధూల్ వికెట్లు పడగొట్టాడు. ఆ మ్యాచ్ కథ మంగళవారమే ముగిసిపోయింది. ఇక పుణె టెస్టులో తాను వేసిన తొలి ఓవర్‌లోనే ఠాకూర్ మొదటి బంతికి వికెట్ పడగొట్టినా.. అది అతని తొలి వికెట్‌గానే పరిగణిస్తారు. ఎందుకంటే..? ఇక్కడ మ్యాచ్ మారిపోయింది కాబట్టి.. ఇండోర్ టీ20లో వరుసగా పడగొట్టిన రెండు వికెట్లని పరిగణలోకి తీసుకోరు. దీంతో.. అతనికి హ్యాట్రిక్ చేజారింది.
టెస్టుల్లో రూల్స్ కాస్త భిన్నం..!
ఒక టెస్టు మ్యాచ్‌లో రెండు ఇన్నింగ్స్‌లు ఉన్నప్పటికీ.. దాన్ని ఒక్క మ్యాచ్‌గానే పరిగణిస్తారు. కాబట్టి.. తొలి ఇన్నింగ్స్‌లో బౌలర్ తాను వేసిన ఆఖరి ఓవర్‌లో చివరి రెండు బంతులకీ వికెట్లు పడగొట్టి.. రెండో ఇన్నింగ్స్‌లో తాను వేసిన తొలి ఓవర్‌ మొదటి బంతికే వికెట్ పడగొడితే.. దాన్ని హ్యాట్రిక్‌గా పరిగణిస్తారు. ఇలా హ్యాట్రిక్ నమోదు చేసిన బౌలర్లు చాలా మందే ఉన్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
