ఓపెనర్లు కీరన్ పొవెల్ (22: 30 బంతుల్లో 4x4), క్రైగ్ బ్రాత్‌వైట్ (14: 68 బంతుల్లో 2x4) మరోసారి వైఫల్యాల బాట కొనసాగించగా.. అనంతరం వచ్చిన షై హోప్‌ (36: 68 బంతుల్లో 5x4) బౌండరీలతో వెస్టిండీస్ స్కోరు బోర్డుని నడిపించాడు. కానీ.. ప్రమాదకరంగా మారిన హోప్‌ని ఉమేశ్ యాదవ్ ఔట్ చేయడంతో లంచ్ విరామానికి ఆ జట్టు 86/3తో నిలిచింది. బ్రేక్ తర్వాత కొద్దిసేపటికే హెట్‌మెయర్ (12), ఆంబ్రిస్ (18)లను కుల్దీప్ యాదవ్ బోల్తాకొట్టించగా.. అనంతరం వచ్చిన షేన్ డార్విచ్ (30: 63 బంతుల్లో 4x4, 1x6)తో కలిసి రోస్టన్ ఛేజ్ దూకుడుగా ఆడాడు. దీంతో.. కాస్త కుదురుకున్నట్లు కనిపించిన వెస్టిండీస్.. జట్టు స్కోరు 182 వద్ద డార్విచ్ ఔటవడంతో మళ్లీ ఒత్తిడిలో పడింది. ఒకవైపు వికెట్లు పడుతున్నా.. రోస్టన్ ఛేజ్ మాత్రం భారీ షాట్లు బాదుతూ భారత్ బౌలర్లపై ఎదురుదాడికి ప్రయత్నిస్తున్నాడు.