​ సెమీస్‌లో బ్యాటింగ్ ఎంచుకున్న భారత్

ఐసీసీ మహిళల ప్రపంచకప్‌లో భాగంగా ఆస్ట్రేలియాతో జరుగుతున్న సెమీ ఫైనల్ మ్యాచ్‌లో టాస్ గెలిచిన భారత్ కెప్టెన్ మిథాలీ రాజ్ బ్యాటింగ్ ఎంచుకుంది. వర్షం కారణంగా దాదాపు రెండన్నర గంటల ఆట సమయం వృథా కావడంతో మ్యాచ్‌ని 42 ఓవర్లకి కుదించారు. లీగ్ దశలో ఇప్పటికే ఆస్ట్రేలియా చేతిలో ఓటమి చవిచూసిన భారత్.. ప్రతీకారం తీర్చుకోవాలని ఆశిస్తోంది. ఈ మ్యాచ్‌లో గెలిచిన జట్టు ఆదివారం ఇంగ్లాండ్‌తో ఫైనల్లో తలపడనుంది.

భారత్ జట్టు: మంధానా, పూనమ్ రౌత్, మిథాలీ రాజ్, హర్మన్‌ప్రీత్ కౌర్, దీప్తి శర్మ, వేదా, సుష్మా, జులన్ గోస్వామి, శిఖ పాండే, రాజేశ్వరి గైక్వాడ్, పూనమ్ యాదవ్