బర్మింగ్‌హామ్ వేదికగా జరుగుతున్న కామన్వెల్త్ గేమ్స్ 2022 (Commonwealth Games 2022)లో ఫైనల్‌కి చేరిన భారత మహిళల క్రికెట్ జట్టు (Indian women's cricket team) ఈరోజు ఆస్ట్రేలియాతో గోల్డ్ మెడల్ (Gold Medal) మ్యాచ్‌లో తలపడబోతోంది. బర్మింగ్‌హామ్‌లోని ఎడ్జ్‌బాస్టన్ వేదికగా ఈరోజు రాత్రి 9:30 గంటలకి ఫైనల్ మ్యాచ్ ప్రారంభంకానుంది. శనివారం ఇక్కడే జరిగిన సెమీ ఫైనల్-1 మ్యాచ్‌లో ఇంగ్లాండ్‌ని 4 పరుగుల తేడాతో ఓడించిన భారత్ ఫైనల్‌కి చేరగా.. న్యూజిలాండ్‌ని 5 వికెట్ల తేడాతో ఓడించిన ఆస్ట్రేలియా తుది పోరుకి అర్హత సాధించింది.
ఆస్ట్రేలియా టీమ్ ఈ కామన్వెల్త్ గేమ్స్‌లో ఇప్పటి వరకూ ఒక్క మ్యాచ్‌లో కూడా ఓడిపోలేదు. ఫస్ట్ మ్యాచ్‌లో భారత్‌పై గెలిచిన ఆస్ట్రేలియా టీమ్.. ఆ తర్వాత బార్బడోస్‌పై 9 వికెట్ల తేడాతో, పాకిస్థాన్‌పై 44 పరుగుల తేడాతో గెలిచి సెమీస్‌కి చేరింది. అనంతరం సెమీ ఫైనల్-2లో న్యూజిలాండ్‌ని 5 వికెట్ల తేడాతో చిత్తు చేసి జైత్రయాత్రని కొనసాగిస్తోంది. దాంతో.. ఈరోజు ఫైనల్ కూడా ఆసక్తిగా ఉండబోతోంది.
ఆస్ట్రేలియా టీమ్ ఈ కామన్వెల్త్ గేమ్స్‌లో ఇప్పటి వరకూ ఒక్క మ్యాచ్‌లో కూడా ఓడిపోలేదు. ఫస్ట్ మ్యాచ్‌లో భారత్‌పై గెలిచిన ఆస్ట్రేలియా టీమ్.. ఆ తర్వాత బార్బడోస్‌పై 9 వికెట్ల తేడాతో, పాకిస్థాన్‌పై 44 పరుగుల తేడాతో గెలిచి సెమీస్‌కి చేరింది. అనంతరం సెమీ ఫైనల్-2లో న్యూజిలాండ్‌ని 5 వికెట్ల తేడాతో చిత్తు చేసి జైత్రయాత్రని కొనసాగిస్తోంది. దాంతో.. ఈరోజు ఫైనల్ కూడా ఆసక్తిగా ఉండబోతోంది.