కోహ్లీనే బెస్ట్ వన్డే బ్యాట్స్‌మెన్.. ఒప్పుకున్న స్టీవ్‌స్మిత్

క్రికెట్ ప్రపంచంలో ప్రస్తుతం బెస్ట్ వన్డే బ్యాట్స్‌మెన్ ఎవరు..? సాధారణంగా ఈ ప్రశ్న‌ క్రికెటర్లని అడిగితే విరాట్ కోహ్లీ, స్టీవ్‌స్మిత్, జోరూట్, కేన్ విలియమ్సన్ రూపంలో ఓ నలుగురు పేర్లని చెప్తుంటారు. కానీ.. ఈ నలుగురిలో ఒకరిని అదే ప్రశ్న అడిగితే.. సమాధానం ఊహించగలరా..? ఆస్ట్రేలియా మాజీ కెప్టెన్ స్టీవ్‌స్మిత్‌ని ఒక అభిమాని సోషల్ మీడియాలో ఇదే ప్రశ్న అడిగితే.. అతను తడముకోకుండా విరాట్ కోహ్లీనే బెస్ట్ వన్డే బ్యాట్స్‌మెన్ అని క్లారిటీ ఇచ్చేశాడు.

యూఏఈ వేదికగా సెప్టెంబరు 19 నుంచి నవంబరు 10 వరకూ ఐపీఎల్ 2020 సీజన్ మ్యాచ్‌లు జరగనుండగా.. రాజస్థాన్ రాయల్స్ టీమ్‌ని కెప్టెన్‌గా స్టీవ్‌స్మిత్‌ నడిపించబోతున్నాడు. ఐపీఎల్ ఆరంభ సీజన్‌ 2008లో టోర్నీ విజేతగా నిలిచిన రాజస్థాన్ టీమ్.. ఆ తర్వాత ఆ స్థాయి ప్రదర్శనని మళ్లీ ఈ 11 ఏళ్లలో కనబర్చలేకపోయింది. దాంతో.. ఐపీఎల్ 2020 సీజన్‌లో పట్టుదలతో ఆ టీమ్ బరిలోకి దగబోతోంది.

Read More: ఐపీఎల్ 2020 ముంగిట RCB vs RR మాటల యుద్ధం

రాయల్ ఛాలెంజర్స్ బెంగళూరు టీమ్‌ని కెప్టెన్‌గా విరాట్ కోహ్లీ నడిపించబోతుండగా.. ఇప్పటి వరకూ ఆ జట్టు ఒక్కసారి కూడా టైటిల్ విజేతగా నిలవలేకపోయింది. 2008 నుంచి మూడు సార్లు ఫైనల్‌కి చేరిన ఆర్సీబీ టీమ్.. గత మూడు సీజన్లుగా కనీసం ప్లేఆఫ్‌కి కూడా అర్హత సాధించలేకపోతున్న విషయం తెలిసిందే.