కరోనా ఫైట్.. 4 వేల మందికి సచిన్ సాయం

ప్రమాదకర కరోనా వైరస్ విస్తరణ నేపథ్యంలో దేశవ్యాప్తంగా లాక్‌డౌన్ విధించిన సంగతి తెలిసిందే. ఇప్పటికే రెండుసార్లు పొడ‌గించ‌డంతో ఈనెల 17 వ‌ర‌కు లాక్‌డౌన్ అమ‌ల్లో ఉండ‌నుంది. అయితే దేశవ్యాప్తంగా నిరుపేద‌లు, వ‌ల‌స కూలీలు తిన‌డాన‌కి తిండి దొర‌క్క‌, చేయ‌డానికి ప‌ని లేక ఆక‌లితో అల‌మ‌టిస్తున్నారు. తాజాగా భారత లెజెండ‌రీ ప్లేయ‌ర్ స‌చిన్ టెండూల్క‌ర్.. ముంబైలోని నాలుగు వేల మంది నిరుపేదలకు సాయం చేశాడు.

Must Read: న్యూ లుక్‌లో ఎంఎస్ ధోనీ.. ఫ్యాన్స్ ఫిదా
నిరుపేదలు, వలస కూలీలకు సాయం అందించాల‌ని హైఫైవ్ యూత్ ఫౌండేష‌న్ అనే స్వ‌చ్ఛంద సంస్థ‌కు స‌చిన్ నిధులిచ్చాడు. దీంతో నిరుపేద‌ల‌తోపాటు బృహ‌న్ ముంబై మున్సిప‌ల్ కార్పొరేష‌న్‌లో చ‌దువుకుంటున్న విద్యార్థుల‌కు కూడా సాయం చేసిన‌ట్లు స‌ద‌రు సంస్థ ట్వీట్ చేసింది. దీనికి స‌మాధాన‌మిచ్చిన స‌చిన్‌.. కరోనా వేళ నిరుపేద‌ల‌ను సంస్థ ఆదుకోవడంపై కితాబిచ్చాడు.

Must Read: ఆస్ట్రేలియా‌ని చితక్కొట్టిన మ్యాచ్‌.. కోహ్లీకి ఫేవరెట్

గ‌త‌నెల‌లో ఐదువేల‌మంది నిరుపేద‌ల‌కు సాయం చేసేందుకుగాను ఆప్నాల‌యా అనే స్వ‌చ్ఛంద సంస్థ‌కు సచిన్ నిధులిచ్చాడు. అలాగే క‌రోనా వేళ పీఎం కేర్స్‌తోపాటు మ‌హారాష్ట్ర ముఖ్య‌మంత్రి స‌హాయ‌నిధికి రూ. 25 ల‌క్ష‌ల చొప్పున మాస్ట‌ర్ బ్లాస్ట‌‌ర్ సాయం చేసిన సంగ‌తి తెలిసిందే. మ‌న‌దేశంలో ఇప్ప‌టివ‌ర‌కు 59,800కిపైగా క‌రోనా పాజిటివ్ కేసులు న‌మోద‌య్యాయి. 1980కిపైగా మ‌ర‌ణించారు.