బుమ్రా గాయంపై క్లారిటీ.. మరీ రీఎంట్రీ..?

భారత ఫాస్ట్ బౌలర్ జస్‌ప్రీత్ బుమ్రా గాయంపై క్లారిటీ వచ్చేసింది. దక్షిణాఫ్రికాతో ఇటీవల ముగిసిన టెస్టు సిరీస్‌కి బుమ్రాని తొలుత సెలక్టర్లు ఎంపిక చేయగా.. వైద్య పరీక్షల్లో అతని వెన్ను కింది భాగంలో చిన్న చీలిక ఉన్నట్లు తేలింది. దీంతో.. సర్జరీ కోసం బ్రిటన్‌కి అతను వెళ్లనున్నట్లు వార్తలు వచ్చాయి. కానీ.. బుమ్రా గాయంపై నిపుణుల సలహా తీసుకున్న బీసీసీఐ.. చివరికి సర్జరీ అవసరం లేదని తేల్చింది. దీంతో.. చిన్నపాటి చికిత్సలు తీసుకుంటున్న ఈ ఫాస్ట్ బౌలర్.. ఫిట్‌నెస్ సాధించే పనిలో ప్రస్తుతం బిజీగా ఉన్నాడు.

Read More: undefinedundefined

బంగ్లాదేశ్‌తో నవంబరు 3 నుంచి మూడు టీ20లు, రెండు టెస్టుల సిరీస్‌లో టీమిండియా తలపడనుండగా.. ఈ సిరీస్‌ కోసం ఇప్పటికే జట్లని భారత సెలక్టర్లు ప్రకటించారు. గాయం కారణంగా ఈ సెలక్షన్‌కి దూరంగా ఉన్న బుమ్రా.. నవంబరు ఆఖరి నాటికి ఫిట్‌నెస్ సాధించే సూచనలు కనిపిస్తున్నాయి. దీంతో.. వెస్టిండీస్‌తో డిసెంబరులో జరగనున్న సిరీస్‌లో ఈ ఫాస్ట్ బౌలర్ ఆడనున్నట్లు వార్తలు వస్తున్నాయి. జిమ్‌లో ఇప్పటికే తేలికపాటి బరువులు ఎత్తుతున్న బుమ్రా.. బౌలింగ్‌కి మాత్రం దూరంగా ఉన్నాడు. కానీ.. త్వరలోనే అతను నెట్స్‌లో ప్రాక్టీస్ మొదలెట్టనున్నట్లు తెలుస్తోంది.

Read More: బంగ్లాదేశ్‌తో టీ20, టెస్టు సిరీస్‌కి భారత్ జట్టు ప్రకటన

దక్షిణాఫ్రికాతో టెస్టు సిరీస్ నుంచి గాయం కారణంగా జస్‌ప్రీత్ బుమ్రా తప్పుకోగా.. అతని స్థానంలో ఉమేశ్ యాదవ్‌ని సెలక్టర్లు ఎంపిక చేశారు. అయితే.. తొలి టెస్టులో అవకాశం దక్కించుకోలేకపోయిన ఉమేశ్.. చివరి రెండు టెస్టుల్లో అద్భుత ప్రదర్శనతో ఆకట్టుకున్నాడు. ముఖ్యంగా.. రాంచీ టెస్టులో కేవలం 10 బంతుల వ్యవధిలోనే ఐదు సిక్సర్లు బాదిన ఉమేశ్ అందరి చూపు తనవైపు తిప్పుకున్నాడు.

Read More: undefined