బౌలింగ్‌ స్పీడ్ ఎందుకు పెంచానంటే: భువీ

భారత పేసర్ భువనేశ్వర్ కుమార్ పేరు చెప్పగానే అందరికీ గుర్తుకొచ్చేది అతని స్వింగ్ బౌలింగే. 2012లో అరంగేట్రం చేసిన భువీ..తన స్వింగ్ బౌలింగ్‌తో ఎంత‌గానో పేరు తెచ్చుకున్నాడు. ఇన్ స్వింగ్‌, ఔట్ స్వింగ్ డెలివ‌రీల‌తో బ్యాట్స్‌మెన్ ప‌నిప‌ట్టేవాడు. అయితే బంతి పాత‌ప‌డే కొద్ది త‌న‌కు ఇబ్బందులు ఎదుర‌య్యాయ‌ని, ఈక్ర‌మంలోనే త‌న బౌలింగ్‌లో పేస్ పెంచుకోవాల‌ని భావించాన‌ని స్ప‌ష్టం చేశాడు. ఎందుకంటే స్వింగ్ ప‌రిస్థితులు లేన‌ప్పుడు త‌మ బ్యాటింగ్‌ను అడ్జ‌స్ట్ చేసుకుని, తన బౌలింగ్‌ను అల‌వోక‌గా ఎదుర్కొనేవార‌ని గుర్తు చేసుకున్నాడు.

Read Also: న‌మ్మండి..వీళ్లంతా ఐపీఎల్ చాంపియ‌న్లే!

అయితే బౌలింగ్‌లో వాడి పెంచుకోవ‌డం అంత సుల‌భం ఏమీ కాలేదని, ఇందుకోసం చాలా క‌ష్ట‌ప‌డాల్సి వ‌చ్చింద‌ని భువీ తెలిపాడు. బౌలింగ్ స్పీడ్ పెరిగాక ఒకట్రెండ్ సిరీస్‌ల్లో ఇబ్బందులు ప‌డిన‌ట్లు తెలిపాడు. త‌న శ‌రీరంపై అద‌న‌పు భారం ప‌డిన‌ట్లు అన్పించింద‌ని ఈ సంద‌ర్బంగా వ్యాఖ్యానించాడు. అయితే కాలం గడిచేకొద్ది, అన్నీ స‌ర్దుకున్నాయని తెలిపాడు. భువీని ప్ర‌స్తుతం డెత్ ఓవ‌ర్ల స్పెష‌లిస్టుగాను ప‌రిగ‌ణిస్తున్నారు.

Read Also: ‘సాయ్’ కేంద్రాల్లో క్వారంటైన్ సదుపాయాలు

మ‌రోవైపు గ‌త రెండేళ్లుగా గాయాల‌తో ఇబ్బంది ప‌డిన భువ‌నేశ్వ‌ర్ రీ ఎంట్రీ కోసం చూస్తున్నాడు. నిజానికి ఈ నెల‌లో జ‌ర‌గాల్సిన భార‌త్‌-ద‌క్షిణాఫ్రికా వ‌న్డే సిరీస్‌కు తాను ఎంపిక‌య్యాడు. అయితే క‌రోనా వైర‌స్ కార‌ణంగా ఈ సిరీస్ రద్దు అయింది. ఇక ఐపీఎల్‌ను కూడా ఈనెల 29 నుంచి వ‌చ్చేనెల 15 వ‌ర‌కు వాయిదా వేసిన సంగ‌తి తెలిసిందే.