Virat Kohliకి బలహీనతలు లేవు.. కానీ..?: టిమ్ సౌథీ

భారత కెప్టెన్ విరాట్ కోహ్లీకి పెద్దగా బలహీనతలు లేవని న్యూజిలాండ్ ఫాస్ట్ బౌలర్ టిమ్ సౌథీ అభిప్రాయపడ్డాడు. న్యూజిలాండ్‌తో ఆక్లాండ్ వేదికగా గత శనివారం జరిగిన రెండో వన్డేలో విరాట్ కోహ్లీని క్లీన్‌ బౌల్డ్ చేసిన టిమ్ సౌథీ.. అంతర్జాతీయ క్రికెట్‌లో అత్యధిక సార్లు కోహ్లీని ఔట్ చేసిన బౌలర్‌గా నిలిచాడు.

Read More: బంగ్లాదేశ్ ‘అతి’ సంబరాలపై ఐసీసీ సీరియస్..?
విరాట్ కోహ్లీని ఇప్పటి వరకూ టిమ్ సౌథీ తొమ్మిది సార్లు ఔట్ చేయగా.. అతని తర్వాత ఇంగ్లాండ్ బౌలర్లు జేమ్స్ అండర్సన్, గ్రేమ్ స్వాన్ ఎనిమిదేసి సార్లు ఔట్ చేశారు. ఇక ఈ జాబితాలోనే మోర్నీ మోర్కెల్, నాథన్ లయన్, ఆడమ్ జంపా, రవి రాంపాల్ ఏడేసి సార్లు కోహ్లీని ఔట్ చేసి మూడో స్థానంలో ఉన్నారు.

Read More: చాహ‌ల్‌కు ఝ‌ల‌క్కిచ్చిన రోహిత్ శ‌ర్మ‌

విరాట్‌ని ఎక్కువ సార్లు ఔట్ చేయడంపై టిమ్ సౌథీ మాట్లాడుతూ ‘విరాట్ కోహ్లీ క్లాస్ ఆటగాడు. అతనికి పెద్దగా బలహీనతలు లేవు. కొత్త బంతికి పిచ్‌ నుంచి సహకారం లభించడంతో అతని వికెట్ సాధ్యమైంది. ఒక బౌలర్‌గా వికెట్ తీయడం నా బాధ్యత. ఇక.. ప్రత్యర్థి టీమ్‌లోని కీలక ఆటగాడి వికెట్ పడగొట్టడం ఇంకా సంతోషం’ అని సౌథీ వెల్లడించాడు.


Read More: వికెట్ ఎక్కడ బుమ్రా..? కంగారులో భారత్
న్యూజిలాండ్‌తో మూడు వన్డేల సిరీస్‌ని ఇప్పటికే 0-2తో చేజార్చుకున్న టీమిండియా.. మంగళవారం ఉదయం 7.30 గంటల నుంచి మూడో వన్డేలో ఢీకొట్టబోతోంది. ఈ వన్డే సిరీస్ తర్వాత రెండు టెస్టుల సిరీస్ జరగనుంది.