సూపర్ ఓవర్‌లో రాహుల్‌కి జోడీగా సంజు.. కానీ..?

న్యూజిలాండ్‌తో వెల్లింగ్టన్ వేదికగా శుక్రవారం ముగిసిన నాలుగో టీ20 మ్యాచ్‌లో సూపర్ ఓవర్ ద్వారా టీమిండియా విజయాన్ని అందుకుంది. ఈ మ్యాచ్‌లో ఫస్ట్ బ్యాటింగ్ చేసిన భారత్ జట్టు 165 పరుగులు చేయగా.. ఛేదనలో న్యూజిలాండ్ కూడా సరిగ్గా 165 పరుగులే చేసింది. దీంతో.. మూడో టీ20 తరహాలో ఈ మ్యాచ్‌లోనూ సూపర్ ఓవర్ నిర్వహించారు. ఈ సూపర్ ఓవర్‌లో మొదట బ్యాటింగ్ చేసిన కివీస్ 13 పరుగులు చేయగా.. లక్ష్యాన్ని ఒక బంతి మిగిలి ఉండగానే భారత్ ఛేదించేసింది.

Read More: IND vs NZ: కివీస్‌ని మళ్లీ ఏడిపించిన సూపర్ ఓవర్

సూపర్ ఓవర్‌లో 14 పరుగుల ఛేదన‌ని కేఎల్ రాహుల్, విరాట్ కోహ్లీ ఆరంభించారు. టిమ్ సౌథీ వేసిన ఆ ఓవర్‌లో తొలి రెండు బంతుల్నీ 6, 4గా మలిచిన రాహుల్ మూడో బంతికి ఔటయ్యాడు. దీంతో.. సంజు శాంసన్ క్రీజులోకి వచ్చాడు. కానీ.. నాలుగో బంతికి డబుల్ తీసిన కోహ్లీ.. ఐదో బంతికి ఫోర్ కొట్టడంతో.. గెలుపు లాంఛనం పూర్తయింది. వాస్తవానికి రాహుల్‌కి జోడీగా కోహ్లీకి బదులు సంజు శాంసన్‌ని పంపాలని టీమిండియా మేనేజ్‌మెంట్ నిర్ణయించిందట. అయితే.. ఆఖరి నిమిషంలో విరాట్ కోహ్లీ రేసులోకి వచ్చినట్లు తెలుస్తోంది.

Read More: సంజు శాంసన్ ఏంటిది..? ఒక్క ఛాన్స్ పోయె..!

‘కేఎల్ రాహుల్, సంజు శాంసన్‌ల‌కి స్ట్రైక్ రొటేట్ చేయడంలో తిరుగులేదు. కానీ.. సంజు శాంసన్‌కి ఒత్తిడిలో మ్యాచ్‌లు ఆడిను అనుభవం లేదు. అందుకే.. చివరి నిమిషంలో అతనికి బదులు రాహుల్‌తో కలిసి నేను సూపర్ ఓవర్‌లో ఆడాల్సి వచ్చింది. ఆ ఓవర్‌లో తొలి రెండు బంతులకీ పరుగులు రాబట్టడం చాలా కీలకం. ఒకవేళ స్ట్రైక్ నాకొస్తే..? గ్యాప్స్ బంతిని తరలించగలను. అందుకే.. ఒత్తిడిలో ఆడే బాధ్యతని నేను తీసుకున్నా’ అని విరాట్ కోహ్లీ వెల్లడించాడు.

Read More: undefined