ధోనీ రిటైర్మెంట్‌పై చాహల్ ఆసక్తికర వ్యాఖ్యలు

భారత క్రికెటర్ యజ్వేంద్ర చాహల్‌లో చమత్కార పాళ్లు ఎక్కువన్న సంగతి తెలిసిందే. తనకు వీలు చిక్కినప్పుడల్లా యాంకర్ తరహాలో భారత ఆటగాళ్లను ఇంటర్వ్యూలు తీసుకుని వాళ్లలో సరదా యాంగిల్‌ను ఆవిష్కరిస్తాడు. అయితే చాహల్ ఇటీవల విడుదల చేసిన వీడియో మాత్రం ఎమోషనల్‌గా ఉంది. ముఖ్యంగా భారత మాజీ కెప్టెన్ ఎంఎస్ ధోనీ రిటైర్మెంట్‌పై ఊహాగానాలు చెలరేగుతున్న వేళ.. అతని మాటలు ప్రాధాన్యం సంతరించుకున్నాయి.


Read Also : ఇంగ్లాండ్‌దే టెస్టు సిరిస్.. నాలుగో టెస్టులో సౌతాఫ్రికా ఘోర పరాజయం
ప్రస్తుతం న్యూజిలాండ్ పర్యటనలో ఉన్న భారత జట్టు.. ఆతిథ్యజట్టుతో ఐదు టీ20ల సిరీస్ ఆడుతోంది. తొలి రెండు మ్యాచ్2లు నెగ్గిన భారత్ 2-0తో ఆధిక్యంలో ఉంది. మూడో టీ20 ఆడేందుకుగాను హామిల్టన్ చేరుకుంది. అయితే ఈ ప్రయాణంలో భాగంగా బస్సులో ఒక వీడియో చేసిన చాహల్.. ధోనీని తమ జట్టంతా మిస్సవుతున్నట్లు వెల్లడించాడు.

Read Also : ఐపీఎల్ 2020 మార్పులపై స్పందించిన సౌరవ్ గంగూలీ
ప్రయాణంలో భాగంగా ధోనీ ఎల్లప్పుడు బస్సు చివరిభాగంలో ఒక మూలకు ఉన్న సీట్‌లో కూర్చునేవాడని, అయితే ఈ సీటు ధోనీ జ్ఞాపకార్థం ఖాళీగా ఉంచినట్లు చాహల్ తెలిపాడు. అక్కడో లెజెండ్ కూర్చునే వాడని చాహల్ ఈ వీడియలో స్పష్టంగా తెలిపాడు. మరోవైపు గతేడాది ఇంగ్లాండ్‌లో వన్డే ప్రపంచకప్ ముగిశాక టీమిండియాకు దూరమైన ధోనీ.. రీ ఎంట్రీపై ఊహగానాలు చెలరేగుతున్నాయి. దీనిపై ధోనీని అడుగగా సమాధానం దాటవేశాడు. తాజాగా బీసీసీఐ ఆటగాళ్ల వార్షిక కాంట్రాక్టులోనూ ధోనీ పేరును తొలగించారు. దీంతో ధోనీ రిటైర్మెంట్ ఖరారైందని ఊహాగానాలు చెలరేగుతున్నాయి.

Read Also : ఐపీఎల్ 2020 ఫైనల్ ఆ స్టేడియంలోనే.. కారణలివే!