క‌రోనా ఎఫెక్ట్: పుజారా కౌంటీ ఆశ‌లు ఆవిరి

క‌రోనా వైర‌స్ కార‌ణంగా ప్ర‌పంచ‌వ్యాప్తంగా స్తంభించిపోయిన సంగ‌తి తెలిసిందే. క్రికెట్ స‌హా ఎన్నో క్రీడా కార్య‌క‌లాపాలు వాయిదా ప‌డ్డాయి. ఇక ఈ ఏడాది నుంచి ఇంగ్లాండ్ కౌంటీ క్రికెట్‌లో అడాల‌నుకున్న భార‌త టెస్టు స్పెష‌లిస్టు చ‌టేశ్వ‌ర్ పుజారా ఆశ‌లు ఆవిర‌య్యాయి. క‌రోనా వైర‌స్ కార‌ణంగా ఈ ఏడాది త‌మ ఆట‌గాళ్ల కాంట్రాక్టుల‌ను స‌మీక్షించిన‌ట్లు తెలిపిన గ్లూసెస్టర్ షైర్ జ‌ట్టు యాజ‌మాన్యం.. ఈ సీజ‌న్లో పుజారా త‌మ జ‌ట్టు త‌ర‌పున ఆడ‌బోడ‌ని ప్ర‌క‌టించింది. గ‌త ఫిబ్ర‌వరిలోనే పుజారాతో ఆ టీమ్ ఒప్పందం చేసుకుంది.

Read Also: ఐపీఎల్‌: తప్పులో కాలేసిన ఢిల్లీ.. కోహ్లీని కాదని!

పుజారా కంటే ముందు చాలా కాలం కింద‌ట మ‌రో భార‌త ప్లేయ‌ర్ ఆ జ‌ట్టుకు ప్రాతినిథ్యం వ‌హించాడు. 1995లో పేస‌ర్ జ‌వ‌గ‌ళ్ శ్రీనాథ్.. ఆ జ‌ట్టు త‌ర‌పున ఆడాడు. సుమారు 25 ఏళ్ల త‌ర్వాత మ‌రో ఇండియ‌న్ ప్లేయ‌ర్ త‌మ టీమ్ త‌ర‌పున ఆడించాలనుకున్న స‌ద‌రు కౌంటీ జ‌ట్టు ప్ర‌ణాళిక‌లు క‌రోనా కార‌ణంగా దెబ్బ‌తిన్నాయి.

Read Also: కోహ్లీతో ఫైట్‌కు అది కారణం కాదు: ఆసీస్ కెప్టెన్

ఇక క‌రోనా వైర‌స్ యూకేలో రోజురోజుకు విస్త‌రిస్తోంది. ఇప్ప‌టివ‌ర‌కు ఆ దేశంలో 60 వేల పాజిటివ్ కేసులు తేలాయి. మ‌రోవైపు ఏడువేల మంది చ‌నిపోయారు. ఇక క‌రోనా నేప‌థ్యంలో వ‌చ్చేనెల 28 వ‌ర‌కు క్రికెట్ కార్య‌క‌లాపాల‌ను ఇంగ్లాండ్ క్రికెట్ బోర్డు (ఈసీబీ) వాయిదా వేసిన సంగ‌తి తెలిసిందే.