వన్డే, టీ20ల్లో నెం.4 స్థానంలో ఆడుతూ ఇప్పటికే సురేశ్ రైనా, అజింక్య రహానె రీఎంట్రీకి చెక్ చెప్పేసిన శ్రేయాస్ అయ్యర్.. ఇప్పుడు టెస్టుల్లో నెం. 5 స్థానంపై కన్నేశాడు. శ్రేయాస్ టెస్టుల్లో ఆడితే.. తెలుగు క్రికెటర్‌కి పోటీ ఏర్పడనుంది.
Samayam Telugu26 Mar 2020, 10:33 am
భారత మిడిలార్డర్ బ్యాట్స్‌మెన్ శ్రేయాస్ అయ్యర్ టెస్టు క్రికెట్‌పై కన్నేశాడు. ఇప్పటికే టీ20, వన్డేల్లో సుస్థిర స్థానం దక్కించుకున్న ఈ యువ క్రికెటర్.. త్వరలోనే టెస్టు ఫార్మాట్‌లోకి ఎంట్రీ ఇచ్చే సూచనలు కనిపిస్తున్నాయి. ముఖ్యంగా టీమిండియాని సుదీర్ఘకాలం వేధించిన నెం.4 సమస్యని శ్రేయాస్ కేవలం మూడు నెలల్లోనే తీర్చేశాడు. మ్యాచ్ గమనానికి అనుగుణంగా.. భాగస్వామ్యాల్ని నిర్మించడంతో పాటు స్లాగ్ ఓవర్లలో హిట్టింగ్‌ చేయగల సామర్థ్యం అతని సొంతం.
కరోనా వైరస్ నేపథ్యంలో ఇప్పటికే క్రికెట్ టోర్నీలన్నీ రద్దవగా.. ప్రస్తుతం ఇంటి దగ్గర ఉన్న శ్రేయాస్ అయ్యర్ అభిమానులతో సోషల్ మీడియా ద్వారా టచ్‌లో ఉంటున్నాడు. ఈ సందర్భంగా ఓ అభిమాని టెస్టుల్లో అరంగేట్రంపై అడిగిన ప్రశ్నకి శ్రేయాస్ ధీమాగా సమాధానమిచ్చాడు. ‘‘క్రికెట్‌లో టెస్టు ఫార్మాట్ అత్యుత్తమం. ప్రతి క్రికెటర్‌కి టెస్టులు ఆడాలనేది ఓ కల. నేను కూడా టీమిండియా తరఫున టెస్టుల్లో ఆడేందుకు ఆసక్తికరంగా ఎదురుచూస్తున్నాను’’ అని శ్రేయాస్ అయ్యర్ వెల్లడించాడు.
టీమిండియాకి యువరాజ్ సింగ్, సురేశ్ రైనా దూరమైన తర్వాత నెం.4 స్థానంలో నిలకడగా ఆడే బ్యాట్స్‌మెన్ కోసం మూడేళ్ల పాటు అన్వేషించారు. ఎట్టకేలకి నిరీక్షణకి తెరదించుతూ గత ఏడాది ఆఖర్లో బ్యాక్ టు బ్యాక్ హాఫ్ సెంచరీలు బాదిన శ్రేయాస్ అయ్యర్.. ఆ స్థానానికి తాను తగిన క్రికెటర్‌గా నిరూపించుకున్నాడు. అయితే.. ఇప్పుడు టెస్టుల్లోకి శ్రేయాస్ వస్తే..? తెలుగు క్రికెటర్ హనుమ విహారిపై వేటు పడే అవకాశం ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
