యాప్నగరం

డబుల్ చేజారినా.. రహానే రికార్డులే రికార్డులు!

ఇండోర్ టెస్టులో రహానే తృటిలో డబుల్ సెంచరీ మిస్సయ్యాడు. కానీ ఈ మ్యాచ్ ద్వారా అనేక రికార్డులను బద్దలు కొట్టాడు. సచిన్‌ను కూడా అతడు అధిగమించాడు.

TNN 9 Oct 2016, 3:26 pm
ఇండోర్ టెస్టులో అజింక్య రహానే కొద్దిలో డబుల్ సెంచరీ మిసయ్యాడు. 381 బంతులు ఎదుర్కొని 188 పరుగులు చేసిన రహానే బౌల్ట్ బౌలింగ్‌లో వెనుదిరిగాడు. టెస్టుల్లో రహానేకు ఇదే అత్యుత్తమ స్కోరు కావడం విశేషం. కోహ్లితో కలిసి రహానే నాలుగో వికెట్‌కు రికార్డు స్థాయిలో 365 పరుగులు చేయడం విశేషం. గతంలో సచిన్, లక్ష్మణ్ కలిసి ఆస్ట్రేలియాపై నాలుగో వికెట్‌కు 353 పరుగులు చేయగా, ఇప్పుడు కోహ్లి, రహానే జోడి ఆ రికార్డును అధిగమించింది. విరాట్ కోహ్లి 211 పరుగుల వద్ద అవుట్ కాగా, భారత స్కోరు 500 పరుగులు దాటాక రహానే కూడా వెనుదిరిగాడు.
Samayam Telugu indvsnz rahane missed double century but created many records
డబుల్ చేజారినా.. రహానే రికార్డులే రికార్డులు!


ఇండోర్ టెస్టులో విరాట్‌తో కలిసి విధ్వంసం సృష్టించిన అజింక్య రహానే అనేక రికార్డులను బద్దలు కొట్టాడు. ఈ మ్యాచ్‌తోనే టెస్టుల్లో 2000 పరుగులు పూర్తి చేశాడు. న్యూజిలాండ్‌పై చేసిన శతకం.. టెస్టుల్లో రహానేకి 8వ సెంచరీ కాగా, స్వదేశంలో మూడోది కావడం విశేషం. ఇప్పటి వరకూ వరుసగా 9 టెస్టు సిరీస్‌లలో 90కిపైగా పరుగులు (ఒకే ఇన్నింగ్స్‌లో) చేసిన రహానే సచిన్‌ను అధిగమించాడు. సచిన్ వరుసగా 8 సిరీస్‌లలో 90+ పరుగులు చేయగా, గావస్కర్ 10 సిరీస్‌లలో ఈ ఘనత సాధించాడు. గత తొమ్మిది టెస్టుల సిరీస్‌లలో రహానే ఏడు సెంచరీలు చేయగా, కేవలం దక్షిణాఫ్రికా, బంగ్లాదేశ్‌ టూర్లలో మాత్రమే సెంచరీ 90లలో అవుటయ్యాడు. 2013-14 నుంచి రహానే తన అద్భుతమైన బ్యాటింగ్‌తో నమ్మదగిన బ్యాట్స్‌మెన్‌గా అవతరించాడు. కోహ్లి కెప్టెన్సీలో రహానేకు ఇది ఐదో సెంచరీ కావడం విశేషం.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.