బుమ్రా వేసిన బౌలింగ్లో కివీస్ బ్యాట్స్మెన్ టిమ్ సౌథీ ఇచ్చిన సులభమైన క్యాచ్ను ఉమేష్ యాదవ్ వదిలేశాడు. లైఫ్ లభించడంతో ఊపిరి పీల్చుకున్న సౌథీ.. ఆ తర్వాత చెలరేగిపోయాడు. 34వ ఓవర్ రెండో బంతికి అతడికి లైఫ్ రాగా, తర్వాత టిమ్ ఫోర్లు, సిక్సర్లతో కదం తొక్కాడు. అప్పటికి సౌథీ రెండు పరుగులు మాత్రమే చేశాడు. జీవదానం లభించిన టిమ్ అదే ఓవర్లో రెండు ఫోర్లు బాది ఉమేష్ ఎంతటి తప్పు చేశాడో తెలియజెప్పాడు. వేగంగా ఆడుతూ... ఫోర్లు, సిక్సర్లతో స్కోరు బోర్డును పరుగులు పెట్టించాడు. 40 బంతుల్లోనే అర్ధ సెంచరీ పూర్తి చేసుకున్నాడు. అతడికిది వన్డేల్లో తొలి హాఫ్ సెంచరీ కావడంతోపాటు, ధర్మశాల వన్డే అతడి కెరీర్లో వందోది కావడం విశేషం. కివీస్ తరఫున పదో స్థానంలో బ్యాటింగ్కు దిగి అర్ధ సెంచరీ చేసిన తొలి ఆటగాడు కూడా సౌథీనే. 50 పరుగులు పూర్తయ్యాక వేగంగా పరుగులు సాధించే క్రమంలో అమిత్ మిశ్రా బౌలింగ్లో టిమ్ అవుటయ్యాడు. మొత్తానికి ఉమేష్ పుణ్యామని టిమ్ తొలి హాఫ్ సెంచరీ చేయగా, కివీస్ కూడా పోరాడగలిగే స్కోరు చేయగలిగింది.
ఈ మ్యాచ్లో మరో విచిత్రం ఏమిటంటే.. హార్దిక్ పాండ్యా వేసిన ఇన్నింగ్స్ 10 ఓవర్ నాలుగో బంతిని కోరీ అండర్సన్ మిడాఫ్ మీదుగా షాట్ ఆడాడు. అవుట్ సైడ్ ఆఫ్ స్టంప్ పై వేసిన బంతిని అండర్సన్ బౌండరీకి తరలించే యత్నం చేశాడు. అయితే మిడాఫ్ లో ఫీల్డింగ్ చేస్తున్న ఉమేష్ ఎవరూ ఊహించని విధంగా డైవ్ కొట్టి బంతిని అద్భుతమైన రీతిలో అందుకున్నాడు. ఇలా ఓ కష్టమైన క్యాచ్ పట్టి, సులువైన మరో క్యాచ్ వదిలేశాడు. కివీస్ 190 పరుగులు చేస్తే లాథమ్వి 79 రన్స్, సౌథీవి 55 పరుగులున్నాయి. మిగతా తొమ్మిది మంది కలిసి చేసింది 45 పరుగులే. దీన్ని బట్టి ఉమేష్ వదిలేసిన క్యాచ్ మ్యాచ్ను ఎంతలా ప్రభావితం చేసిందో అర్థం చేసుకోవచ్చు.
ఈ మ్యాచ్లో మరో విచిత్రం ఏమిటంటే.. హార్దిక్ పాండ్యా వేసిన ఇన్నింగ్స్ 10 ఓవర్ నాలుగో బంతిని కోరీ అండర్సన్ మిడాఫ్ మీదుగా షాట్ ఆడాడు. అవుట్ సైడ్ ఆఫ్ స్టంప్ పై వేసిన బంతిని అండర్సన్ బౌండరీకి తరలించే యత్నం చేశాడు. అయితే మిడాఫ్ లో ఫీల్డింగ్ చేస్తున్న ఉమేష్ ఎవరూ ఊహించని విధంగా డైవ్ కొట్టి బంతిని అద్భుతమైన రీతిలో అందుకున్నాడు. ఇలా ఓ కష్టమైన క్యాచ్ పట్టి, సులువైన మరో క్యాచ్ వదిలేశాడు. కివీస్ 190 పరుగులు చేస్తే లాథమ్వి 79 రన్స్, సౌథీవి 55 పరుగులున్నాయి. మిగతా తొమ్మిది మంది కలిసి చేసింది 45 పరుగులే. దీన్ని బట్టి ఉమేష్ వదిలేసిన క్యాచ్ మ్యాచ్ను ఎంతలా ప్రభావితం చేసిందో అర్థం చేసుకోవచ్చు.