IPL 2020లో KKRకి మరో ఆండ్రీ రసెల్..?

ఐపీఎల్ 2020 సీజన్‌కి కోల్‌కతా నైట్‌రైడర్స్ టీమ్ తరఫున ఇయాన్ మోర్గాన్ విధ్వంసం సృష్టించబోతున్నాడని కామెంటేటర్ హర్షా భోగ్లే జోస్యం చెప్పాడు. ఇంగ్లాండ్ టీమ్ తరఫున అంతర్జాతీయ క్రికెట్‌లో మెరుపులు మెరిపించే మోర్గాన్.. ఐపీఎల్‌లో మాత్రం ఇప్పటి వరకూ తన మార్క్ ఇన్నింగ్స్ ఆడలేకపోయాడని చెప్పుకొచ్చిన హర్షా.. ఐపీఎల్ 2020లో అతను ఫెయిలైతే ఆశ్చర్యమేనని వెల్లడించాడు.

Read More: క్యారమ్ బాల్ గుట్టు విప్పిన రవిచంద్రన్ అశ్విన్


దక్షిణాఫ్రికాతో సెంచూరియన్ వేదికగా ఆదివారం ముగిసిన ఆఖరి టీ20 మ్యాచ్‌లో ఇయాన్ మోర్గాన్ (57 నాటౌట్: 22 బంతుల్లో 7x6) సిక్సర్ల వర్షం కురిపించడంతో.. 223 పరుగుల లక్ష్యాన్ని 19.1 ఓవర్లలోనే ఇంగ్లాండ్ ఊదేసింది. ఈ మ్యాచ్‌లో మ్యాన్ ఆఫ్ మ్యాచ్ అవార్డు అందుకున్న మోర్గాన్‌కి.. మ్యాన్ ఆఫ్ ద సిరీస్‌ కూడా దక్కింది. అంతర్జాతీయ వన్డేల్లో 91.13 స్ట్రైక్‌రేట్‌తో పరుగులు సాధిస్తున్న మోర్గాన్.. టీ20ల్లోనూ ఏకంగా 137.49 స్ట్రైక్‌రేట్‌తో దూసుకెళ్తుండటం అతని జోరుకి నిదర్శనం.

Read More: దక్షిణాఫ్రికాపై గెలిచిన ఇంగ్లాండ్‌కి జరిమానా

ఐపీఎల్‌ వేలంలో ఇయాన్ మోర్గాన్ కోసం ఆఖరి వరకూ పోటీపడిన కోల్‌కతా నైట్‌రైడర్స్ ఫ్రాంఛైజీ రూ. 5.25 కోట్లకి కొనుగోలు చేసింది. ఇప్పటికే కోల్‌కతా జట్టులో ఇంగ్లాండ్ క్రికెటర్లు టామ్ బాంటన్, హ్యారీ గర్నీ ఉన్నారు. ఇప్పటి వరకూ ఐపీఎల్‌లో 52 మ్యాచ్‌లాడిన ఇయాన్ మోర్గాన్ 121.13 స్ట్రైక్ రేట్‌తో 854 పరుగులు చేశాడు. కోల్‌కతా నైట్‌రైడర్స్ జట్టులో ఆండ్రీ రసెల్ రూపంలో ఇప్పటికే ఒక పవర్ హిట్టర్ ఉండగా.. ఇయాన్ మోర్గాన్ చేరికతో ఆ టీమ్ మిడిలార్డర్ మరింత బలోపేతమైంది.

Read More: టీ20, టెస్టు కెప్టెన్సీకి డుప్లెసిస్ గుడ్‌ బై..!