రోహిత్ శర్మ కూతురు CSK ఫ్యాన్.. సాక్షమిదిగో

ఐపీఎల్‌లో ముంబయి ఇండియన్స్ కెప్టెన్ రోహిత్ శర్మ కూతురు సమైరా.. ధోనీ కెప్టెన్సీలోని చెన్నై సూపర్ కింగ్స్ టీమ్ అభిమానట. ఈ విషయాన్ని చెన్నై సూపర్ కింగ్స్ స్వయంగా సోషల్ మీడియాలో ప్రకటించింది. అంతేకాదు.. సాక్షంగా ఓ రెండు ఫొటోల్ని కూడా అభిమానులతో పంచుకుంది. దీంతో.. ఈ పోస్ట్ ఇప్పుడు వైరల్‌గా మారిపోయింది. ఐపీఎల్‌లో తొలి సీజన్‌ నుంచి ముంబయి ఇండియన్స్, చెన్నై సూపర్ కింగ్స్ జట్లు చిరకాల ప్రత్యర్థులుగా తలపడుతున్న విషయం తెలిసిందే. ఐపీఎల్ 2019 సీజన్‌ ఫైనల్లోనూ చెన్నైని ఓడించి ముంబయి విజేతగా నిలిచింది. ఐపీఎల్ 2020 సీజన్ వచ్చే ఏడాది ఏప్రిల్ నుంచి ప్రారంభంకానుండగా.. ఈ ఏడాది డిసెంబరులో ఆటగాళ్ల వేలం జరగనుంది.
View this post on Instagram Hitman's little one hitting it out of the park for us! 🥰🦁💛 #WhistlePodu #Yellove A post shared by Chennai Super Kings (@chennaiipl) on Oct 27, 2019 at 10:15am PDT
రోహిత్ శర్మ కెప్టెన్సీలో ఇప్పటికే నాలుగు సార్లు టైటిల్ గెలిచిన ముంబయి ఇండియన్స్.. టోర్నీ చరిత్రలోనే అత్యధిక సార్లు టైటిల్ గెలిచిన జట్టుగా కొనసాగుతోంది. మరోవైపు ధోనీ కెప్టెన్సీలో మూడు సార్లు విజేతగా నిలిచిన చెన్నై సూపర్ కింగ్స్.. టోర్నీలోనే అత్యంత ఆదరణ ఉన్న జట్టుగా ఉంది. దీంతో.. ఈ రెండు జట్ల మధ్య ఎప్పుడు మ్యాచ్ జరిగినా..? సోషల్ మీడియాలో అభిమానుల మధ్య పెద్ద ఎత్తున యుద్ధమే జరుగుతుంది. అలాంటిది.. ముంబయి కెప్టెన్ రోహిత్ శర్మ కూతురు చెన్నై అభిమాని అంటే ఇక సీఎస్‌కే అభిమానులు ఊరుకుంటారా..? వారిని చూసి ముంబయి టీమ్ ఫ్యాన్స్ మిన్నకుంటారా..?

వరల్డ్‌కప్ తర్వాత టీమిండియాకి దూరంగా ఉంటున్న ధోనీ.. వచ్చే ఏడాది జనవరి వరకూ మళ్లీ క్రికెట్ ఆడే సూచనలు కనిపించడం లేదు. బంగ్లాదేశ్‌తో నవంబరు 3 నుంచి మూడు టీ20 సిరీస్‌లో భారత్ జట్టు తలపడనుండగా.. కెప్టెన్ విరాట్ కోహ్లీకి ఈ సిరీస్ నుంచి సెలక్టర్లు రెస్ట్ ఇవ్వడంతో రోహిత్ శర్మ చేతికి పగ్గాలు వచ్చాయి.