జడేజాకు కాబోయే మామ కాస్ట్లీ గిఫ్ట్

క్రికెటర్ రవీంద్ర జడేజా త్వరలో పెళ్లి కొడుకవ్వబోతున్న సంగతి తెలిసిందే. అతను రాజ్‌కోట్‌కు చెందిన బిజినెస్ మ్యాన్ కూతురు రివాబాను ఏప్రిల్ 17న వివాహమాడబోతున్నారు. రివాబా మెకానికల్ ఇంజినీరింగ్ చదువుతోంది. వీరిద్దరి ఎంగేజ్ మెంట్ ఫిబ్రవరి 5న జరిగింది. రివాబా తల్లిదండ్రులు హర్దేవ్ సింహ్ సోలంకి, ప్రఫుల్లబా సోలంకి. తల్లి ప్రఫుల్లబా రాజ్‌కోట్ రైల్వేస్‌లో అకౌంట్స్ డిపార్ట్ మెంట్లో పనిచేస్తుండగా, తండ్రి రెండు ప్రైవేటు స్కూళ్లను నడుపుతున్నారు. అలాగే ఇతర వ్యాపారాలు కూడా ఉన్నాయి. వాళ్లకి రివాబా ఒకే ఒక్క కుమార్తె. కాబోయే అల్లుడు జడేజాకు అత్తమామలు పెళ్లికి ముందే ఖరీదైన బహుమతి ఇచ్చారు. రూ.97 లక్షలు విలువ చేసే ఆడిక్యూ 7 కారును బుక్ చేశారు. సోమవారం ఆ కారు డెలివరీ అయ్యింది. జడేజా... కాబోయే శ్రీమతితో కలిసి షోరూమ్‌కు వెళ్లి కారును ఇంటికి తెచ్చుకున్నారు.