భారత జట్టు తాత్కాలిక కెప్టెన్ జస్‌ప్రీత్ బుమ్రా బ్యాటింగ్‌లో వరల్డ్ రికార్డ్ నెలకొల్పాడు. ఇంగ్లాండ్‌తో బర్మింగ్‌హామ్ వేదికగా జరుగుతున్న ఐదో టెస్టులో నెం.10 స్థానంలో బ్యాటింగ్‌కి వచ్చిన జస్‌ప్రీత్ బుమ్రా టీ20 తరహా హిట్టింగ్‌తో చెలరేగిపోయాడు. ఎంతలా అంటే? ఇంగ్లాండ్ అగ్రశ్రేణి ఫాస్ట్ బౌలర్ స్టువర్ట్ బ్రాడ్ వేసిన ఒకే ఓవర్‌లో ఏకంగా 35 పరుగులు బాదేశాడు. టెస్టు క్రికెట్ చరిత్రలో ఒకే ఓవర్‌లో ఇన్ని పరుగులు రావడం ఇదే తొలిసారి. ఇదే స్టువర్ట్ బ్రాడ్‌‌‌కి 2007 టీ20 వరల్డ్‌కప్‌లో యువరాజ్ సింగ్ వరుసగా 6,6,6,6,6,6 బాదేసి 36 పరుగులు చేసిన విషయం తెలిసిందే.
భారత్ జట్టుకి జస్‌ప్రీత్ బుమ్రా కెప్టెన్సీ వహించడం ఇదే తొలిసారికాగా.. కెప్టెన్‌గా అరంగేట్రం టెస్టులోనే అత్యధిక పరుగులు (నెం. 10లో బ్యాటింగ్) చేసిన ప్లేయర్‌గా బుమ్రా నిలిచాడు. ఇప్పటి వరకూ బిషన్ బేడి 1976లో క్రైస్ట్‌చర్చ్ వేదికగా చేసిన 30 పరుగుల రికార్డ్ టాప్‌లో ఉంది.
భారత్ జట్టుకి జస్‌ప్రీత్ బుమ్రా కెప్టెన్సీ వహించడం ఇదే తొలిసారికాగా.. కెప్టెన్‌గా అరంగేట్రం టెస్టులోనే అత్యధిక పరుగులు (నెం. 10లో బ్యాటింగ్) చేసిన ప్లేయర్‌గా బుమ్రా నిలిచాడు. ఇప్పటి వరకూ బిషన్ బేడి 1976లో క్రైస్ట్‌చర్చ్ వేదికగా చేసిన 30 పరుగుల రికార్డ్ టాప్‌లో ఉంది.