T20 ప్రపంచకప్కు ముందు భారత అభిమానులకు షాకింగ్ న్యూస్. ప్రధాన పేసర్ జస్‌ప్రీత్ బుమ్రా (Jasprit Bumrah) ఈ టోర్నీ నుంచి ఔటయ్యాడు. గాయంతో బుమ్రా టీ20 వరల్డ్ కప్‌కు దూరమయ్యాడని బీసీసీఐ ప్రతినిధి తెలిపినట్లు పీటీఐ పేర్కొంది. బుమ్రా కోలుకునేందుకు 6 నెలల సమయం పట్టే అవకాశం ఉన్నట్లు సదరు అధికారి చెప్పినట్లు రాసింది. మరో సీనియర్ ఆటగాడు రవీంద్ర జడేజా కూడా గాయంతో ఈ టోర్నీకి దూరమయ్యాడు. తాజాగా బుమ్రా కూడా దూరమవడం జట్టు విజయావకాశాలపై ప్రభావం చూపుతుందని క్రికెట్ విశ్లేషకులు అభిప్రాయపడుతున్నారు.
వెన్నునొప్పితో బాధపడుతున్న బుమ్రా.. దక్షిణాఫ్రికాతో తిరువనంతపురం వేదికగా జరిగిన తొలి టీ20 మ్యాచ్కు దూరమయ్యాడు. ఆస్ట్రేలియాతోనూ తొలి టీ20 మ్యాచ్ ఆడలేదు. అయితే, దక్షిణాఫ్రికాతో సిరీస్‌లోని మిగతా మ్యాచ్‌లకు, టీ20 ప్రపంచకప్‌కూ బుమ్రా అందుబాటులో వస్తాడని అభిమానులు భావించారు. అయితే, బుమ్రా ఇప్పట్లో జట్టుతో కలిసే అవకాశం లేదని బీసీసీఐ స్పష్టం చేసింది.
కొంత కాలంగా గాయంతో బాధపడుతున్న బుమ్రా.. విశ్రాంతి తీసుకొని చాలా రోజుల తర్వాత జట్టులోకి వచ్చాడు. ఆసీస్‌తో టీ20 సిరీస్‌‌లో రెండు మ్యాచ్‌లు ఆడాడు. సఫారీలతో తొలి మ్యాచ్కు దూరమయ్యాడు. అయితే, టీ20 ప్రపంచకప్ వరకు బుమ్రా కోలుకుంటాడని.. పేస్‌కు సహకరించే ఆసీస్‌ పిచ్‌లపై చెలరేగుతాడని ఫ్యాన్స్ భావించారు. ఈ నేపథ్యంలో అభిమానులకు ఇది చేదు వార్తే. బుమ్రా స్థానంలో హైదరాబాద్ పేసర్ మహమ్మద్‌ సిరాజ్‌ను జట్టులోకి ఎంపిక చేసినట్లు బీసీసీఐ శుక్రవారం (సెప్టెంబర్ 30) వెల్లడించింది.
వెన్నునొప్పితో బాధపడుతున్న బుమ్రా.. దక్షిణాఫ్రికాతో తిరువనంతపురం వేదికగా జరిగిన తొలి టీ20 మ్యాచ్కు దూరమయ్యాడు. ఆస్ట్రేలియాతోనూ తొలి టీ20 మ్యాచ్ ఆడలేదు. అయితే, దక్షిణాఫ్రికాతో సిరీస్‌లోని మిగతా మ్యాచ్‌లకు, టీ20 ప్రపంచకప్‌కూ బుమ్రా అందుబాటులో వస్తాడని అభిమానులు భావించారు. అయితే, బుమ్రా ఇప్పట్లో జట్టుతో కలిసే అవకాశం లేదని బీసీసీఐ స్పష్టం చేసింది.
కొంత కాలంగా గాయంతో బాధపడుతున్న బుమ్రా.. విశ్రాంతి తీసుకొని చాలా రోజుల తర్వాత జట్టులోకి వచ్చాడు. ఆసీస్‌తో టీ20 సిరీస్‌‌లో రెండు మ్యాచ్‌లు ఆడాడు. సఫారీలతో తొలి మ్యాచ్కు దూరమయ్యాడు. అయితే, టీ20 ప్రపంచకప్ వరకు బుమ్రా కోలుకుంటాడని.. పేస్‌కు సహకరించే ఆసీస్‌ పిచ్‌లపై చెలరేగుతాడని ఫ్యాన్స్ భావించారు. ఈ నేపథ్యంలో అభిమానులకు ఇది చేదు వార్తే. బుమ్రా స్థానంలో హైదరాబాద్ పేసర్ మహమ్మద్‌ సిరాజ్‌ను జట్టులోకి ఎంపిక చేసినట్లు బీసీసీఐ శుక్రవారం (సెప్టెంబర్ 30) వెల్లడించింది.