దీటుగా జవాబిస్తున్న న్యూజిలాండ్

కాన్పూర్‌లోని గ్రీన్ పార్క్ స్టేడియం వేదికగా న్యూజిలాండ్‌తో జరుగుతున్న తొలి టెస్ట్ మ్యాచ్‌లో భారత్ మొదటి ఇన్నింగ్స్‌లో 318 పరుగులకు ఆలౌటైంది. తొలి రోజు 291/9 వద్ద ముగించిన టీం ఇండియా రెండో రోజు 27 పరుగులు మాత్రమే జోడించి ఆఖరి వికెట్‌ను కోల్పోయింది. ఆట ఆరంభం నుంచి దూకుడుగా ఆడిన రవీంద్ర జడేజా (44) నాటౌట్‌గా మిగిలాడు. వాగ్నర్ బౌలింగ్‌లో ఉమేశ్ యాదవ్ (9) పదో వికెట్‌గా వెనుదిరిగాడు.
అనంతరం ఇన్నింగ్స్ ఆరంభించిన న్యూజిలాండ్‌.. భారత్‌కు దీటైన జవాబిస్తోంది. ఓపెనర్లు మార్టిన్ గుప్తిల్, టామ్ లాథమ్ జట్టుకు శుభారంభాన్నిచ్చారు. 21 పరుగులు చేసిన గుప్తిల్.. ఉమేశ్ యాదవ్ బౌలింగ్‌లో ఎల్బీడబ్ల్యూగా వెనుదిరిగాడు. అనంతరం క్రీజులోకి వచ్చిన కివీస్ కెప్టెన్ కేన్ విలియమ్సన్.. లాథమ్‌తో కలసి నిలకడగా ఆడుతున్నాడు. టీ విరామానికి న్యూజిలాండ్ 47 ఓవర్లలో ఒక వికెట్ నస్టానికి 152 పరుగులు చేసింది. లాథమ్ 56 పరుగులు, విలయమ్సన్ 66 పరుగులతో ఆడుతున్నారు. ఒకవేళ భారత బౌలర్లు వీరిద్దరి భాగస్వామ్యాన్ని విడగొట్టకపోతే న్యూజిలాండ్ భారీ స్కోరు సాధించడం ఖాయంగా కనబడుతోంది.

India vs New Zealand, 1st Test, Day 2 in Kanpur: India struggle as New Zealand reach 152/1 at Tea
New Zealand reached 152 for one at Tea on the second day in reply to India’s first innings score of 318 in the first cricket Test, in Kanpur on Friday.