కోహ్లి ప్రతిసారీ కోపం తెచ్చుకుంటే ఎలా..?

మైదానంలో భారత కెప్టెన్ విరాట్ కోహ్లి తరచూ కోపం ప్రదర్శించడం మంచిది కాదని శ్రీలంక మాజీ కెప్టెన్ అర్జున్ రణతుంగ సూచించాడు. తాజాగా మీడియాతో అతను మాట్లాడుతూ.. ఒక బ్యాట్స్‌మెన్‌గా కోహ్లి ఇప్పటికే నిరూపించుకున్నాడు. కానీ.. అత్యుత్తమ కెప్టెన్‌గా గుర్తింపు పొందేందుకు అతను ఇంకా చాలా కష్టపడాల్సి ఉందని అభిప్రాయపడ్డాడు. ప్రస్తుతం శ్రీలంకతో జరుగుతున్న మూడో టెస్టుల సిరీస్‌లో భారత్ ఇప్పటికే 2-0తో ఆధిక్యం సాధించిన విషయం తెలిసిందే. ఈ విజయంతో వరుసగా 8 టెస్టు సిరీస్‌ల్లో గెలిచిన జట్టుగా టీమిండియా రికార్డుల్లో నిలిచింది.

‘విరాట్ కోహ్లిని నేను ఇప్పటికే మంచి బ్యాట్స్‌మెన్‌గా చూశాను. అయితే.. అతని కెప్టెన్సీ గురించి మాత్రం నేను ఇప్పట్లో ఏ రేటింగ్ ఇవ్వలేను. అంతమాత్రానా కోహ్లి కెప్టెన్సీని తక్కువ చేయడమని కాదు. అతనో గొప్ప బ్యాట్స్‌మెన్. కానీ.. గొప్ప కెప్టెన్‌ కావాలంటే మాత్రం ఇంకా కొన్ని విజయాలు అందుకోవాలి. మైదానంలో ప్రతిసారి కోపం తెచ్చుకుంటే అది జట్టు ప్రదర్శనని దెబ్బతీస్తుంది. కోహ్లీని భారత మాజీ కెప్టెన్లు అజహరుద్దీన్, ధోనీతో పోల్చడం కంటే నా తరం కెప్టెన్ కపిల్‌దేవ్‌తో పోలిక బాగుంటుందేమో. అయితే.. ఈ ఘనతకి అతను ఇంకా చాలా దూరం ప్రయాణించాలి’ రణతుంగ వివరించాడు.

"I have seen him as a batsman but I still can’t rate him as a captain; as a batsman, I rate him very highly. I am not putting him down as captain but he has a long way to go to achieve a lot of things."- Arjuna Ranatunga