మాజీ కెప్టెన్, HCA చీఫ్ అజారుద్దీన్‌పై ఎఫ్‌ఐఆర్ నమోదు

భారత క్రికెట్ జట్టు మాజీ కెప్టెన్, హైదరాబాద్ క్రికెట్ సంఘం (హెచ్‌సీఏ) ప్రస్తుత అధ్యక్షుడు మహ్మద్ అజారుద్దీన్‌పై చీటింగ్ కేసు నమోదైంది. ఔరంగాబాద్‌లోని ఒక ట్రావెల్స్ యజమానిని మోసం చేసిన కేసులో అజార్ సహా మరో ఇద్దరు ముజీబ్ ఖాన్, సుదేశ్ అవిక్కల్‌పై ఎఫ్‌ఐఆర్ నమదైనట్లు మహారాష్ట్రలోని ఔరంగాబాద్ పోలీసులు తెలిపారు. అయితే ఇప్పటివరకు ఎలాంటి అరెస్టులు నమోదు కాలేదు.

ఇంతకీ జరిగిందేమిటంటే..ఔరంగాబాద్‌లోని డానిష్ టూర్స్ అండ్ ట్రావెల్స్‌కు చెందిన మహ్మద్ షాదాబ్.. అజార్ తనను చీట్ చేశాడంటూ పోలీసులకు ఫిర్యాదు చేశాడు. వివిధ విదేశాలకు తన ట్రావెల్స్ నుంచి అజార్, అతని స్నేహితులు టికెట్లు బుక్ చేయించారని, ఇది సుమారు రూ.20 లక్షల వరకు అయిందని బాధితుడు తెలిపాడు. అయితే డబ్బులు చెల్లించడంలో అజార్ బృందం విఫలమయ్యిందని, దీంతో వారిపై పోలీసులకు ఫిర్యాదు చేసినట్లు తెలిపాడు.

Read Also : సెహ్వాగ్ బట్టతలపై సెటైర్ పేల్చిన షోయబ్ అక్తర్
అయితే తనపై వచ్చిన ఆరోపణలను అజారుద్దీన్ ఖండించాడు. ఇందుకు సంబంధించి ఒక వీడియోను రిలీజ్ చేసిన అజార్.. ఆ ఆరోపణలు తప్పని తెలిపాడు. తనపై బురద జల్లేందుకే ఇలాంటి ఆరోపణలు చేస్తున్నారని, దీనిపై తన న్యాయవాదితో మాట్లాడుతున్నట్లు తెలిపాడు. అలాగే తనపై ఆరోపణలు చేసిన వారిపై పరువునష్టం దావా వేసే విషయాన్ని ఆలోచిస్తున్నట్లు పేర్కొన్నాడు.

Read Also : IND vs NZ T20's: కీపర్ రిషబ్ పంత్‌పై వేటు.. క్లారిటీ ఇచ్చేసిన విరాట్ కోహ్లీ