శ్రీలంకతో మొహాలి వేదికగా గత బుధవారం జరిగిన రెండో వన్డేతో టీమిండియాలోకి అరంగేట్రం చేసిన యువ ఆల్రౌండర్ వాషింగ్టన్ సుందర్ మెరుగైన ప్రదర్శనతో అందర్నీ ఆకట్టుకున్నాడు. ఈ మ్యాచ్లో మొత్తం 10 ఓవర్లు బౌలింగ్ చేసిన సుందర్ 65 పరుగులిచ్చి ఒక వికెట్ పడగొట్టాడు. శ్రీలంక మిడిలార్డర్ బ్యాట్స్మెన్ లాహిరు తిరుమానె స్పిన్నర్ల లయని దెబ్బతీసే ఉద్దేశంతో వరుసగా స్వీప్, రివర్స్ స్వీప్ షాట్లు ఆడగా.. దీన్ని గమనించిన సుందర్.. తెలివిగా బంతిని విసిరి అతడ్ని క్లీన్బౌల్డ్ చేశాడు. మొహాలిలో తన కొడుకు ప్రదర్శన సంతృప్తినిచ్చిందని వాషింగ్టన్ సుందర్ తండ్రి ఎమ్. సుందర్ ఆనందం వ్యక్తం చేశారు.
మూడు వన్డేల ఈ సిరీస్లో నిర్ణయాత్మక మూడో వన్డే విశాఖపట్నంలో ఆదివారం జరగనున్న నేపథ్యంలో.. ఆర్. సుందర్ మీడియాతో శనివారం మాట్లాడాడు. ‘భారత్ జట్టులో తీవ్ర పోటీ నెలకొన్న ప్రస్తుత తరుణంలో 18 ఏళ్లకే సుందర్ అరంగేట్రం చేయడం సామన్యమైన విషయం కాదు. దొరికిన ఈ అవకాశాన్ని అతను నిలబెట్టుకోవాలంటే మరింతగా కష్టపడాలి. చిన్న వయసులోనే ఇంటర్నేషనల్ క్రికెట్ ఆడే అవకాశం దక్కడంతో.. అతని సుదీర్ఘ కెరీర్కి బాటలు పడినట్లే’ అని ఆర్.సుందర్ సంతోషం వ్యక్తం చేశారు.
మూడు వన్డేల ఈ సిరీస్లో నిర్ణయాత్మక మూడో వన్డే విశాఖపట్నంలో ఆదివారం జరగనున్న నేపథ్యంలో.. ఆర్. సుందర్ మీడియాతో శనివారం మాట్లాడాడు. ‘భారత్ జట్టులో తీవ్ర పోటీ నెలకొన్న ప్రస్తుత తరుణంలో 18 ఏళ్లకే సుందర్ అరంగేట్రం చేయడం సామన్యమైన విషయం కాదు. దొరికిన ఈ అవకాశాన్ని అతను నిలబెట్టుకోవాలంటే మరింతగా కష్టపడాలి. చిన్న వయసులోనే ఇంటర్నేషనల్ క్రికెట్ ఆడే అవకాశం దక్కడంతో.. అతని సుదీర్ఘ కెరీర్కి బాటలు పడినట్లే’ అని ఆర్.సుందర్ సంతోషం వ్యక్తం చేశారు.