Rishabh Pant Trolls: ధోనీ నువ్వు వచ్చేయ్.. రిషబ్ పంత్‌ని ఉతికారేస్తున్న నెటిజన్లు

బంగ్లాదేశ్‌తో ఆదివారం రాత్రి జరిగిన తొలి టీ20 మ్యాచ్‌లో భారత్ జట్టు ఓటమికి పరోక్షంగా కారణమైన వికెట్ కీపర్ రిషబ్ పంత్‌ని సోషల్ మీడియాలో నెటిజన్లు ఉతికారేస్తున్నారు. ఈ మ్యాచ్‌లో తొలుత బ్యాటింగ్ చేసిన భారత్ జట్టు నిర్ణీత 20 ఓవర్లలో 6 వికెట్ల నష్టానికి 148 పరుగులు చేయగా.. లక్ష్యాన్ని బంగ్లాదేశ్‌ మరో మూడు బంతులు మిగిలి ఉండగానే 154/3తో ఛేదించేసింది. అయితే.. మ్యాచ్‌‌లో టీమిండియా గెలిచేందుకు రెండు అవకాశాలు లభించినా.. పేలవంగా వాటిని చేజార్చుకుంది. ఇక రెండో టీ20 మ్యాచ్‌ రాజ్‌కోట్ వేదికగా గురువారం రాత్రి జరగనుంది.

Read More: undefinedundefined

టాస్ ఓడి తొలుత బ్యాటింగ్ చేసిన భారత్ జట్టులో శిఖర్ ధావన్ (41: 42 బంతుల్లో 3x4, 1x6) మినహా టాప్ ఆర్డర్ బ్యాట్స్‌మెన్ తేలిపోయారు. కానీ.. ధావన్‌ని రనౌట్ చేయించడం ద్వారా తొలుత అభిమానులకి కోపం తెప్పించిన రిషబ్ పంత్ (27: 26 బంతుల్లో 3x4).. కీపింగ్‌ సమయంలోనూ తడబడి టీమిండియా విజయావకాశాన్ని దెబ్బతీశాడు.

Read More: రోహిత్ శర్మ దెబ్బకి టీ20ల్లో కోహ్లీ నెం.1 రికార్డ్ బ్రేక్



భారత్ స్కోరు 95 వద్ద సింగిల్ తీసిన రిషబ్ పంత్ రెండో పరుగు కోసం ధావన్‌ని పిలిచాడు. దీంతో.. ఓకే చెప్పిన ధావన్ వేగంగా దాదాపు పిచ్ మధ్యలోకి వచ్చేశాడు. కానీ.. అనూహ్యంగా పంత్ వెనక్కి తగ్గడంతో ధావన్ తిరిగి మళ్లీ క్రీజులోకి వెళ్లలేక రనౌటయ్యాడు. ఇక బంగ్లాదేశ్‌ని గెలిపించిన ముష్ఫికర్ రహీమ్ (60 నాటౌట్: 43 బంతుల్లో 8x4, 1x6) స్పిన్నర్ చాహల్ బౌలింగ్‌లో వికెట్ల ముందు ఎల్బీడబ్ల్యూగా దొరికిపోయాడు. కానీ.. రిషబ్ పంత్‌ స్పష్టమైన అభిప్రాయం చెప్పకపోవడంతో కెప్టెన్ రోహిత్ శర్మ డీఆర్‌ఎస్ కోరలేదు. కానీ.. ఆ తర్వాత సౌమ్య సర్కార్ కీపర్ క్యాచ్ విషయంలో నాటౌట్ అయినా.. రివ్యూ కోరమని రోహిత్‌ని పంత్ బలవంత పెట్టాడు. అయితే.. రిప్లై బంతి బ్యాట్‌కి చాలా దూరంగా వెళ్తున్నట్లు కనిపించింది. ఆఖర్లో ముష్ఫికర్ రహీమ్ ఇచ్చిన ఓ క్యాచ్‌ని బౌండరీ లైన్ వద్ద కృనాల్‌ పాండ్య నేలపాలు చేశాడు.

IND vs BAN 1st T20 LIVE Score బోర్డు కోసం క్లిక్ చేయండి..!