చెపాక్‌లో హ్యాట్రిక్ సిక్సర్లు బాదిన ధోని

చెన్నైలోని చెపాక్ స్టేడియంలో చెన్నై సూపర్ కింగ్స్ కెప్టెన్ మహేంద్రసింగ్ ధోనీ హ్యాట్రిక్ సిక్సర్లు బాదాడు. వేలాది మంది అభిమానులు వీక్షిస్తుండగా.. వరుసగా మూడు బంతుల్ని ధోనీ స్టాండ్స్‌లోకి తరలించేశాడు. తమిళనాడు ప్రీమియర్ లీగ్‌లో భాగంగా మ్యాచ్‌కి ముందు చెన్నై సూపర్ కింగ్స్ పునరాగమన కార్యక్రమం అట్టహాసంగా జరిగింది. ఫిక్సింగ్ నేపథ్యంలో చెన్నై జట్టుపై సుప్రీంకోర్టు రెండేళ్ల నిషేధం విధించిన విషయం తెలిసిందే. ఇటీవల ఆ నిషేధం ముగియడంతో శనివారం పునరాగమనం కార్యక్రమాన్ని ఫ్రాంఛైజీ నిర్వహించింది.

చెన్నై జట్టుకి ఆడిన ప్రముఖ క్రికెటర్లు.. ఈ కార్యక్రమానికి జెర్సీ‌లు ధరించి హాజరయ్యారు. సీనియర్ క్రికెటర్లు లక్ష్మీపతి బాలాజీ, మోహిత్ శర్మ, పవన్ నేగి తదితరులు కాసేపు బ్యాటింగ్ చేసి ఆకట్టుకున్నారు. వీరికి బౌలింగ్ మిషన్ ద్వారా ధోనీ కొన్ని బంతులు కూడా విసిరాడు. అనంతరం బ్యాటింగ్‌కి దిగిన ధోనీ.. ట్రైల్ రూపంలో విసిరిన బంతిని హిట్ చేయడంలో విఫలమైనా.. తర్వాత వరుసగా మూడు బంతుల్ని తనదైన షాట్లతో స్టాండ్స్‌లోకి తరలించేశాడు. అనంతరం మ్యాచ్‌లో టాస్ ఎగురవేసిన ధోని.. పిచ్‌ రిపోర్ట్‌ని స్వయంగా మైక్‌లో చెప్పి అభిమానుల్ని అలరించాడు.

Thala @msdhoni in Yellow Jersey 😍😍 Those 3 sixes made my day 👌👌 #ThalaInChepauk #TNPL Thala is back 💪💪 @ChennaiIPL pic.twitter.com/v59HT5DOOV — Aravindhan (@aravindh0709) July 22, 2017