దిక్కులు చూసిన బ్యాట్స్‌మెన్ ‘కామెడీ’ రనౌట్

మైదానంలో బంతి డెడ్ అయ్యే వరకూ బ్యాట్స్‌మెన్ ఎంత జాగ్రత్తగా ఉండాలో..? మరోసారి ఓ రనౌట్ క్రికెట్ ప్రపంచానికి గుర్తు చేసింది. దక్షిణాఫ్రికా గడ్డపై ఐపీఎల్ తరహాలో జరుగుతున్న మాన్షీ సూపర్ లీగ్‌లో బంతి తనవైపు రాలేదనుకుని తాపీగా దిక్కులు చూస్తూ పరుగెత్తిన బ్యాట్స్‌మెన్ పెహ్లువాలియో పేలవంగా రనౌటయ్యాడు.

Read More: మయాంక్‌ అగర్వాల్‌కి ఇకపై కష్టాలు మొదలు: గవాస్కర్

మ్యాచ్‌లో బంతిని ఎక్స్‌ట్రా కవర్ దిశగా పెహ్లువాలియో గాల్లోకి లేపేశాడు. కానీ.. అక్కడే ఫీల్డింగ్ చేస్తున్న క్యాప్‌టౌన్ టీమ్ ఫీల్డర్ బంతిని క్యాచ్‌గా అందుకోవడంలో విఫలమయ్యాడు. దీంతో అప్పటికే ఒక పరుగు పూర్తి చేసిన పెహ్లువాలియో రెండో పరుగుని కూడా ప్రారంభించాడు. కానీ.. బంతిని ఫీల్డర్ ఎటువైపు విసుతున్నాడో..? చూసుకోకుండా.. అతను లెగ్ అంపైర్ వైపు చూస్తూ నెమ్మదిగా కీపర్ ఎండ్‌ వైపు పరుగెత్తాడు. అయితే.. క్యాచ్ మిస్ చేసిన ఫీల్డర్ వేగంగా దాన్ని అందుకుని నేరుగా కీపర్ డికాక్ చేతికి అందించాడు. అప్పటికే రనౌట్‌ చేసేందుకు సిద్ధంగా ఉన్న డికాక్ బంతిని అందుకుని క్షణాల వ్యవధిలోనే వికెట్లని గీరాటేయడంతో పెహ్లువాలియో నిరాశగా పెవిలియన్‌ బాట పట్టాల్సి వచ్చింది.

Read More: వెస్టిండీస్‌తో సిరీస్‌కి రోహిత్ శర్మ దూరం..?
View this post on Instagram De Kock Does a Dhoni ! A post shared by cricket Videos (@cricket.latest.videos) on Nov 18, 2019 at 4:36am PST
సాధారణంగా మహేంద్రసింగ్ ధోనీ ఈ తరహా రనౌట్స్ చేస్తుంటాడు. ఫీల్డర్ చేతుల్లోకి బంతి వెళ్లగానే వికెట్లకి అతి సమీపంగా వెళ్లి వేగంగా రనౌట్ చేసే మార్గాన్ని అతను ఎంచుకుంటూ ఉంటాడు. తాజాగా డికాక్ కూడా అదే ఫాలో అయిపోయాడు.

Read More: D/N Test: కెప్టెన్ కోహ్లీకి హర్భజన్ కీలక సూచన