భారత టెస్టు జట్టు మిడిలార్డర్ బ్యాట్స్మెన్ హనుమ విహారి మంచి మనసు చాటుకుంటున్నాడు. కౌంటీల్లో ఆడటానికి ఇంగ్లాండ్కి వెళ్లిన విహారి అక్కడి నుంచే ఆంధ్రప్రదేశ్, తెలంగాణ, కర్ణాటక రాష్ట్రాల్లోని పేదలకి ఈ క్లిష్ట పరిస్థితుల్లో తన వంతుగా సాయం చేస్తున్నాడు. ఈ మూడు రాష్ట్రాల్లో ఉన్న తన సహచరులు, ఫ్రెండ్స్, ఫాలోయర్లతో ఒక టీమ్ని రెడీ చేసిన విహారి.. కరోనా బాధితులకి బెడ్, ఆక్సిజన్, మందులతో పాటు ప్లాస్మా అవసరమైన వారికి సాయం చేస్తున్నాడు. సోషల్ మీడియా ద్వారా వస్తున్న రిక్వెస్ట్లను పరిశీలిస్తూ.. టీమ్ తమ వంతుగా హెల్ప్ చేస్తోందని ఈ తెలుగు క్రికెటర్ తాజాగా వెల్లడించాడు. హాస్పిటల్లో చికిత్స కోసం కనీసం బెడ్ కూడా దొరకని పరిస్థితి వస్తుందని తాను ఎప్పుడూ ఊహించలేదని విహారి ఆవేదన వ్యక్తం చేశాడు. జూన్ 2న ఇంగ్లాండ్ గడ్డపైకి టీమిండియా వెళ్లనుండగా.. భారత టెస్టు జట్టులోకి హనుమ విహారి ఎంపికయ్యాడు. అక్కడే సౌథాంప్టన్ వేదికగా న్యూజిలాండ్తో జూన్ 18 నుంచి 23 వరకూ ఐసీసీ వరల్డ్ టెస్టు ఛాంపియన్షిప్ ఫైనల్లో తలపడనున్న టీమిండియా.. ఆ తర్వాత ఆగస్టు 4 నుంచి సెప్టెంబరు 10 వరకూ ఇంగ్లాండ్తో ఐదు టెస్టుల సిరీస్లో ఢీకొట్టబోతోంది. ఈ టూర్లో తాను ఓపెనర్గా ఆడేందుకు కూడా సిద్ధమని విహారి ప్రకటించాడు.
భారత టెస్టు జట్టు: విరాట్ కోహ్లీ (కెప్టెన్), అజింక్య రహానె (వైస్ కెప్టెన్), రోహిత్ శర్మ, శుభమన్ గిల్, మయాంక్ అగర్వాల్, చతేశ్వర్ పుజారా, హనుమ విహారి, రిషబ్ పంత్ (వికెట్ కీపర్), రవిచంద్రన్ అశ్విన్, అక్షర్ పటేల్, వాషింగ్టన్ సుందర్, జస్ప్రీత్ బుమ్రా, ఇషాంత్ శర్మ, మహ్మద్ షమీ, మహ్మద్ సిరాజ్, శార్ధూల్ ఠాకూర్, ఉమేశ్ యాదవ్
స్టాండ్బై ప్లేయర్లు: అభిమన్యు ఈశ్వరన్, ప్రసీద్, అవేష్ ఖాన్, అర్జాన్ నాగ్వాస్వాల్లా
భారత టెస్టు జట్టు: విరాట్ కోహ్లీ (కెప్టెన్), అజింక్య రహానె (వైస్ కెప్టెన్), రోహిత్ శర్మ, శుభమన్ గిల్, మయాంక్ అగర్వాల్, చతేశ్వర్ పుజారా, హనుమ విహారి, రిషబ్ పంత్ (వికెట్ కీపర్), రవిచంద్రన్ అశ్విన్, అక్షర్ పటేల్, వాషింగ్టన్ సుందర్, జస్ప్రీత్ బుమ్రా, ఇషాంత్ శర్మ, మహ్మద్ షమీ, మహ్మద్ సిరాజ్, శార్ధూల్ ఠాకూర్, ఉమేశ్ యాదవ్
స్టాండ్బై ప్లేయర్లు: అభిమన్యు ఈశ్వరన్, ప్రసీద్, అవేష్ ఖాన్, అర్జాన్ నాగ్వాస్వాల్లా