Jasprit Bumrahతో అంత ఈజీ కాదు.. కానీ..?: గప్తిల్

భారత ఫాస్ట్ బౌలర్ జస్‌ప్రీత్ బుమ్రా బౌలింగ్‌ని ఎదుర్కోవడం అంత సులువు కాదని న్యూజిలాండ్ ఓపెనర్ మార్టిన్ గప్తిల్ అభిప్రాయపడ్డాడు. హామిల్టన్ వేదికగా గత బుధవారం ముగిసిన తొలి వన్డేలో 41 బంతులు ఎదుర్కొన్న మార్టిన్ గప్తిల్ రెండు ఫోర్ల సాయంతో 32 పరుగులకే వికెట్ చేజార్చుకున్నాడు. ముఖ్యంగా.. మ్యాచ్‌లో బుమ్రా బౌలింగ్‌లో అతను స్వేచ్ఛగా ఆడలేకపోయాడు. అయితే.. బుమ్రాని సమర్థంగా ఎదుర్కొన్న రాస్ టేలర్ అజేయ శతకంతో కివీస్‌ని గెలిపించాడు.

Read More: IND vs NZ 2nd ODIకి భారత్ జట్టులో రెండు మార్పులు..? ఓవర్‌లో 34 రన్స్ బౌలర్‌కి పిలుపు

ఆక్లాండ్ వేదికగా శనివారం ఉదయం 7.30 గంటల నుంచి రెండో వన్డే జరగనుండగా.. బుమ్రా బౌలింగ్‌ గురించి ఈరోజు మీడియాతో మార్టిన్ గప్తిల్ మాట్లాడాడు. ‘జస్‌ప్రీత్ బుమ్రాని సమర్థంగా ఎదుర్కోవడంపై ఇప్పటికీ సందేహలున్నాయి. కానీ.. తొలి వన్డేలో అతని బౌలింగ్‌లోనూ మా జట్టు మిడిలార్డర్ బ్యాట్స్‌మెన్‌లు పరుగులు రాబట్టగలిగారు. కొత్త బంతితో అతను బౌలింగ్ చేసే సమయంలో బౌండరీలు రాబట్టాలంటే చాలా కష్టం. అయితే.. మిడిల్ ఓవర్లలో మాత్రం అతడికి ఏమాత్రం వికెట్ అవకాశమివ్వకుండా తొలి వన్డేలో మా జట్టు పరుగులు రాబట్టగలిగింది’ అని వెల్లడించాడు.

Read More: పాకిస్థాన్ వన్డే టీమ్ కొత్త కెప్టెన్ ఎవరంటే..?

తొలి వన్డేలో 10 ఓవర్లు బౌలింగ్ చేసిన జస్‌ప్రీత్ బుమ్రా 5.30 ఎకానమీతో 53 పరుగులిచ్చాడు. కానీ.. మ్యాచ్‌లో ఏకంగా 13 పరుగులు వైడ్స్ రూపంలోనే బుమ్రా ఇవ్వడం.. ఇప్పుడు భారత్ జట్టులో ఆందోళన పెంచుతోంది. గత ఏడాది వెన్ను గాయంతో మూడు నెలలు క్రికెట్‌కి దూరంగా ఉన్న బుమ్రా.. పునరాగమనంలో మునుపటిలా రాణించలేకపోతున్నాడు.