ఊపిరి పీల్చుకున్న క్రికెట్ ఆస్ట్రేలియా.. టీమిండియా షెడ్యూల్ ఇదే!

భారత జట్టు ఆస్ట్రేలియా పర్యటనకు సంబంధించిన షెడ్యూల్ దాదాపు ఖరారైంది. క్రిక్‌ఇన్ఫో వెల్లడించిన వివరాల ప్రకారం.. భారత జట్టు సిడ్నీలో నవంబర్ 1న తొలి వన్డే ఆడనుంది. భారత్, ఆస్ట్రేలియా ఆటగాళ్ల క్వారంటైన్, శిక్షణ సదుపాయాల కల్పన విషయమై క్రికెట్ ఆస్ట్రేలియా, న్యూ సౌత్ వేల్స్ రాష్ట్ర ప్రభుత్వాలు ఒప్పందం కుదుర్చుకున్నాయి. ఈ ఒప్పందం విషయమై క్రికెట్ ఆస్ట్రేలియా క్వీన్స్‌లాండ్ ప్రభుత్వం నిర్ణయం కోసం ఐదు వారాలపాటు వేచి చూసినప్పటికీ ఫలితం లేకపోయింది. చివరకు న్యూసౌత్ వేల్స్ ఓకే చెప్పడంతో క్రికెట్ ఆస్ట్రేలియా ఊపిరి పీల్చుకుంది.

తొలి టెస్టు మ్యాచ్‌ను పింక్ బాల్ (డే అండ్ టెస్ట్)తో నిర్వహిస్తారు. డిసెంబర్ 17న అడిలైడ్ ఓవల్‌లో ఈ డే అండ్ నైట్ టెస్టు ప్రారంభం అవుతుంది. బాకింగ్స్ డే టెస్టుకు బ్యాకప్ వేదికగానూ అడిలైడ్ ఓవల్‌ను ఉంచుతారు. కోవిడ్ ఆంక్షల కారణంగా మెల్‌బోర్న్ క్రికెట్ గ్రౌండ్లో బాక్సింగ్ టెస్టు నిర్వహించలేకపోతే.. అడిలైడ్‌లో నిర్వహిస్తారు. తర్వాతి రెండు టెస్టులను సిడ్నీ (జనవరి 7-11), బ్రిస్బేన్ (జనవరి 15-19)లో నిర్వహిస్తారు. ఐపీఎల్ ముగియగానే ఆటగాళ్లు దుబాయ్ నుంచి నేరుగా ఆస్ట్రేలియా వెళ్తారు.

భారత్, ఆస్ట్రేలియా మ్యాచ్‌ల తేదీలు (మారొచ్చు)

తొలి వన్డే: నవంబర్ 27, సిడ్నీ క్రికెట్ గ్రౌండ్

రెండో వన్డే: నవంబర్ 29, సిడ్నీ క్రికెట్ గ్రౌండ్

మూడో వన్డే: డిసెంబర్ 1, మనుకా ఓవల్

తొలి టీ20: డిసెంబర్ 4, మనుకా ఓవల్

రెండో టీ20: డిసెంబర్ 6, సిడ్నీ

మూడో టీ20: డిసెంబర్ 8, సిడ్నీ

తొలి టెస్టు: డిసెంబర్ 17-21, అడిలైడ్ ఓవల్

రెండో టెస్టు: డిసెంబర్ 26-31, ఎంసీజీ

మూడో టెస్టు: జనవరి 7-11, ఎస్‌సీజీ

నాలుగో టెస్టు: జనవరి 15-19, బ్రిస్బేన్